भक्तपुर, २२ मङ्सिर१३ औं दक्षिण एसियाली खेलकुद(साग) को पुरुष फुटबलमा नेपाल फाइनलमा पुगेको छ। लिग चरणको अन्तिम खेलमा बंगलादेशलाई १-० ले पराजित गर्दै नेपालले फाइनल यात्रा तय गरेको हो ।
आइतबार दशरथ रंगशालामा भएको खेलमा नेपालका तर्फबाट ११ औं मिनेटमा सुनिल बलले गरेको गोल नै निर्णायक बनेपछि नेपाल फ़ाइनलम पुगेको छ । अंक तालिकामा माथि रहेको नेपाल बंगलादेश संग बराबरी खेलेपनि फाइनल खेल्ने पक्का भएको थियो ।
जितपछि नेपालले ४ खेल खेल्दा १० अंक बटुल्यो भने भुटानको ९ अंक रहेको छ ।
नेपाल र भुटानले मङ्सिर २४ गते मंगलबार फ़ाइनल खेल खेल्नेछन । यस अघि समूह चरणको खेलमा नेपालले ४-० ले पछि पार्दै भुटानलाई हारको स्वाद चखाइसकेको छ । नेपालले पहिलो खेलमा भुटानलाई ४-० ले पराजित गरेको थियो भने दोश्रोमा श्रीलंकासंग १-१ को बराबरी खेलेको थियो भने माल्दिभ्सलाइ २-१ को अन्तरले हराएको थियो ।
नेपालले यस अघि १२ औं सागमा भारतलाई पराजित गर्दै उपाधि जितेको थियो।