News Portal

  • प्रसाईंमाथि भक्तपुर प्रहरीको अनुसन्धान शुरु, दोषी ठहरीय १ वर्ष जेल : एसपी प्रधान

    भक्तपुरपोस्ट संवाददाता भक्तपुर, ३ माघ
    ३५९३ पटक
    भक्तपुर, ३ माघ

    सानोठिमीस्थित चिकित्सा शिक्षा आयोगका उपाध्यक्ष श्रीकृष्ण गिरीलाई घुस मागेको आरोप लगाउने बीएण्डसी अस्पतालका सञ्चालक दुर्गा प्रसाईंमाथि भक्तपुर प्रहरीले अनुसन्धान अघि बढाएको छ ।

    आयोगका उपाध्यक्ष गिरीले बुधवार महानगरीय प्रहरी परिसर भक्तपुरमा प्रसाईंविरुद्ध आफूमाथि अभद्र व्यवहार गरेको भन्दै उजुरी दिएका थिए । सोही उजुरीको आधारमा प्रसाईंमाथि अनुसन्धान भैरहेको परिसर प्रमुख रहेका प्रहरी उपरीक्षक सविन प्रधानले पुष्टि गरे ।

    भक्तपुरको निकोसेरा नजिकै बस्ने प्रसाईं विराटनगर स्थित बीएण्डसी अस्पतालका सञ्चालक हुन् । मेडिकल कजेल संचालनको अनुमति प्रक्रियाका क्रममा आयोगका उपाध्यक्ष गिरीले आफूसंग २० करोड रुपिया मागेको उनको आरोप छ । केही समय अघि नेकपाका अध्यक्षद्वय केपी ओली र प्रचण्डलाई एकसाथ मार्सी चामलको भात खुवाएर चर्चामा आएका उनले पुस २३ मा पत्रकार सम्मेलन नै गरेर घुस मागेको आरोप लगाएपछि उपाध्यक्ष गिरीले त्यसको खण्डन गर्दै आएका छन् । गिरीले प्रसाईमाथि मानहानीको मुद्दा पनि दायर गरिसकेका छन् ।

    बुधवार भने उनले महानगरीय प्रहरी परिसर भक्तपुरमा प्रसाईंविरुद्ध आफूमाथि अभद्र व्यवहारको उजुरी दिएका हुन् । परिसर प्रमुख सविन प्रधानले भक्तपुर पोस्टसंग भनेअनुसार प्रसाईंमाथि उपाध्यक्ष गिरीको उजुरीको आधारमा अनुसन्धान भैरहेको छ । उनी दोषी करार भएमा उनीमाथि अभद्र व्यवहार अन्तर्गत मुद्दा चलाइने एसपी प्रधानको भनाइ छ ।

    दोषी ठहर भए १ वर्ष कैद र १० हजार जरिवाना
    महानगरीय प्रहरी परिसर भक्तपुरका प्रमुख रहेका प्रहरी उपरीक्षक सविन प्रधानका अनुसार अभद्र व्यवहार अन्तर्गत दोषी ठहरीय १ वर्ष सम्म कैद र १० हजार रुपिया सम्म जरिवाना हुने कानुनी व्यवस्था रहेको छ । प्रहरी अनुसन्धानकर्ता मात्र भएको भन्दै प्रधानले प्रसाईं दोषी देखिए मुद्दा चलाउने र उनी अपराधि ठहर भएमा कानुन बमोजिम सजायको भागीदार बन्ने बताए ।

    भक्तपुर पोस्टको फेसबुक पेज लाइक गरी फेसबुकमै समाचार प्राप्त गर्नुस् !

    यो पनि

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...