भक्तपुरपोस्ट संवाददाता
भक्तपुर, ९ असोज । शुक्रबार देशभर १ हजार ३ सय १३ जनामा कोरोना संक्रमण पुष्टि भएको छ ।
भक्तपुरमा ५० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । त्यस्तै काठमाडौंमा ५०३, ललितपुरमा ९१ मा संक्रमण पुष्टि भएको हो । काठमाडौंमा १६ हजार २६७ ललितपुरमा १ हजार ९१७ र भक्तपुरमा १ हजार ७९० संक्रमित पुगेका छन् ।
मन्त्रालयका प्रवक्ता डा. जागेश्वर गौतमले आज थपिएका सँगै संक्रमित संख्या ७० हजार ६ सय १४ पुगेको बताए । शुक्रबार देशभर १८ हजार २ सय ८९ संक्रिय संक्रमित र होम आइसोलेसनमा १० हजार ५१जना रहेका छन् । आज ६ हजार ४ सय ६४ जना क्वारेन्टाइनमा रहेका छन् ।
गत २४ घन्टामा १ सय ४ सय ५५ जना कोरोना मुक्त भएका छन् । यो सँगै संक्रमण मुक्त हुने संख्या ५१ हजार ८ सय ६६ पुगेको छ । संक्रमित मध्ये निको हुने दर ७३.४ प्रतिशत रहेको छ ।