News Portal

  • भक्तपुरमा जग्गा हेर्ने निहुँमा कुटपिट गरी हत्या गरेकाे अभियाेगमा तीनजना पक्राउ

    भक्तपुरपोस्ट संवाददाता
    १४०० पटक

    भक्तपुर, २७ असोज । महानगरीय अपराध महाशाखाले चाँगुनारायण–८ सुडाल बस्ने ६१ वर्षीय चन्द्रकुमार योन्जनको हत्या गरेकाे अभियाेगमा तीन जनालाई आज पक्राउ गरेको छ । योन्जनलाई जग्गा हेर्ने बहानामा असोज २१ गते कुटपिट गरी हत्या गरिएको थियो ।

    पक्राउ पर्नेहरुमा काठमाडौं थलि बस्ने सिन्धुपाल्चोक बाह्रबिसे नगरपालिका-२ लेखर्क घर भएका ३७ वर्षीय शेर्पा भन्ने कामी लामा, काठमाडौं महानगरपालिका-७ वौद्ध बस्ने सिन्धुपाल्चोक चौतारा बतासे नगरपालिका-२ घर भएका २३ वर्षीय रमेश तामाङ (ज्वाला तामाङ) र रामेछाप धोवि गाउँपालिका-५ घर भएका २७ वर्षीय प्रेम तामाङ रहेका छन् । । हत्याको मुख्य योजनाकार कामी शेर्पा रहेको महाशाखाका प्रमुख रहेका वरिष्ठ उपरीक्षक (एसएसपी) दीपक थापाले पत्रकार सम्मेलन गरेर सार्वजनिक गरेका छन् । महानगरीय अपराध महाशाखाले उनीहरुलाई बौद्ध लगायतबाट पक्रेको बताइएकाे छ ।

    योन्जन एक स्थानीय व्यापारी समेत थिए । उनलाई निर्घात कुटेर बेहोस बनाएपछि हातमा लगाएको दुइतोला सुनको ब्रासलेट, १ तोलाको सुनको सिक्री र दुईवटा मोवाइल सेट लिएर उनीहरु फरार भएका थिए । जग्गा हेर्ने बहानामा पसल भन्दा करिब १ कि.मी. पर विडोलफाँट स्थित धानखेतमा लगी कुटपिट गरी मृतकको साथमा रहेको सुनको ब्रासलेट तथा मोवाईल समेत लुटी कर्तव्य गरी फरार रहेका थिए ।  फरार उनीहरुलाई महाशाखाले ७ दिनपछि पक्राउ गरेको  हो ।उनीहरुको साथबाट घटनामा प्रयोग भएको बा.९६ प ७११४ नम्बरको मोटरसाइकल, मृतकले प्रयोग गरेको मोबाइल १ थान, सुन बिक्रीबाट प्राप्त रकम १ लाख ५५ हजार रुपैयाँमध्ये ५४ हजार ६ सय रुपैयाँ, १ थान हेल्मेट र १ तोला २ लाल गालेको सुन समेत प्रहरीले बरामद गरेको छ ।

    अनुसन्धानको क्रममा मृतक चन्द्रले कामी लामालाई दिनुपर्ने बाँकी रकम दिन आनाकानी गरेपश्चात चन्द्रलाई कुटपिट गरेर भए पनि रकम असुल्ने योजना बनाई कामी लामाले असोज १८ गते काठमाडौं नयाबस्तीमा रमेश र प्रेमसँग योजना बनाई चन्द्रको घर पहिचान गरेपश्चात असोज २१ गते दिउँसो जग्गा हेर्ने बहानामा उक्त धानखेतमा लगि उनीहरुले कुटपिट गरेको अनुसन्धानबाट खुल्न आएको उक्त महाशाखाले जनाएको छ । अभियुक्तहरु उपर थप अनुसन्धानका लागि महानगरीय प्रहरी बृत्त, जगातीमा राखिएकाे छ ।  भक्तपुर जिल्ला अदालतबाट म्याद थप भएर उनीहरुमाथि आवश्यक अनुसन्धान भैरहेकाे महानगरीय प्रहरी परिसर भक्तपुरका डिएसपी केशवकुमार थेबेले जनाएका छन् ।

    सुडालमा रहस्यमय हत्या : जग्गा हेर्न आएकाले लिए योन्जनको ज्यान

    घटना विवरणः
    भक्तपुरमा जग्गा हेर्ने बहानामा आएका अपरिचित व्यक्तिको कुटपिटबाट एकजनाको ज्यान गएको छ । जग्गा देखाउन गएका एक स्थानीयले जग्गा किन्ने भनिएका ब्यक्तिहरुको कुटपिटबाट ज्यान गुमाएका हुन् ।

    यसरी ज्यान गुमाउने व्यक्ति चाँगुनारायण नगरपालिकास्थित सुडालका ६१ वर्षीय चन्द्रकुमार योन्जन हुन् । जन्म घर रामेछाप भइ पछिल्लो समय सुडालमा घरजम गरेर बसेका योन्जनलाई जग्गा किन्ने बहानामा एकान्तस्थानमा पु¥याइ कुटपिट भएको र सोही कारण उनको ज्यान गएको पारिवारिक श्रोतले जनाएको छ ।

    पारिवारिक श्रोतका अनुसार हिजो बुधवार साझ करिब ४ः३० बजे जग्गा किन्न भनी फोन सम्पर्क गरि अपरिचित मानिसहरु आएका थिए । २ वटा मोटरसाइकलमा आएका उनीहरुले उनको सुडालस्थित घरमै संचालित खाजाघरमा बसी बियर समेत खाएका थिए । जग्गा देखाउन लिएर गएपछी उनीहरुले एकान्तस्थलमा योन्जनलाई कुटपिट गरि उनले लगाएको सुनको ब्रास्लेट लगायत लुटेर फरार भएका थाहा भएको छ ।

    घटनापछि गम्भीर घाइते योन्जनलाई उपचारको लागि ठिमीस्थित मध्यपुर अस्पतालमा पु¥याइएको थियो । त्यहाँ उपचार हुन नसकेपछि थप उपचारको लागि काठमाडौको ग्रीनसिटी अस्पताल पु¥याइएका योन्जनको बिहीबार बिहान ज्यान गएको हो ।

    कुटपिटबाट योन्जनको ज्यान गएको महानगरीय प्रहरी परिसर, भक्तपुरका सूचना अधिकारी समेत रहेका डिएसपी केशवकुमार थेबेले पुष्टि गरेका छन् । घटनामा संलग्नहरुको खोजी भैरहेको उनको भनाइ छ । घटनाको अनुसन्धानका लागि महानगरीय अपराध महाशाखाको टोलीसमेत खटेको जानकारी प्राप्त भएको छ । मृतक योन्जनको कसैसंग शत्रुता नरहेको स्थानीय बताउँछन् ।

     

    प्रतिकृया दिनुहोस्

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...