भक्तपुर, २५ फागुनभक्तपुरमा एक युवक मृत अवस्थामा फेला परेका छन् । पाटीमा झुण्डिएको अवस्थामा उनकों शव फेला परेको हो ।
मंगलवार विहान झुण्डिएको अवस्थामा फेला परेका उनको पहिचान हुन सकेको छैन । ब्यासीको कालोपाटी बाट करिब २ सय मिटर पर ह्युमपाइप टोलस्थित वर्खे पाटीमा उक्त शव फेला परेको हो । फोहोर टिप्ने मानिसहरुको आश्रय स्थल समेत रहेको उक्त पाटीमा भेटिएको शव भने सफा र सुकिला कपडायुक्त युवकको भएको र उक्त व्यक्तिको पहिचान गर्न नसकिएको स्थानीयले बताएका छन् । स्थानीयले शव खुट्टा टेकेको अवस्थामा फेला परेकाले हत्या भएको हुनसक्ने समेत आशंका गरेका छन् ।
महानगरीय प्रहरी परिसर भक्तपुरले शव भेटिएको पुष्टि गरेपनि हत्या भएको स्वीकार गरेको छैन । डिएसपी दिपक गिरीले प्रारम्भिक अनुसन्धान बाट आत्महत्या नै ठहर भएको जानकारी गराएका छन् । घटनाबारे थप अनुसन्धान भैरहेको प्रहरीको भनाइ छ । घटनाको थप विवरण प्राप्त हुन सकेको छैन ।