अहिले भर्खरै नयाँ सरकार गठनका लागि विपक्ष दल नेपाली काँगैस,माओवादी केन्द्र,जसपा,र माधव समुहको बैठक बसेको छ । नेपाली काँग्रेसका सभापति शेरबहादुर देउवाले आफ्नै निवासमा बोलाएको बैठकमा प्रचण्ड ,उपेन्द्र र माधव नेपाल सहभागिता जनाएको छ ।

राष्ट्रपतिबाट चालिएको कदमसहित आवश्यक रणनीति तय गर्न विपक्षी दलको बैठक भएको हो । राष्ट्रपति विद्यादेवी भण्डारीले नयाँ सरकार गठनका लागि प्रक्रिया नाघेर संविधानको धारा ७६ (५) मा पुगेपछि विपक्षी दलहरू आक्रोशित बन्दै आइरहेका छन्।

बैठकले जसपा अध्यक्ष महन्थ ठाकुरलाई पनि मनाउन अन्तिम चोटी प्रयत्न गर्ने निर्णय भएको जानकारी आउको छ । बैठकमा राष्ट्रपतिमाथि महाभियोग लगाउने, प्रधानमन्त्रीविरुद्ध अविश्वासको प्रस्ताव ल्याउने जस्ता विषयमा पनि छलफल भएको खबर प्राप्त भएको छ।