News Portal

  • राहदानीको सम्पर्क मितिमा अर्कैको विवरण आएपछि सिडिओ शर्माको यस्तो निर्देशन

    राजेशमान मानन्धर / भक्तपुर पोस्ट भक्तपुर, १८ जेठ २०७९
    १४४३ पटक
    CDO rudradevi sharmaभक्तपुर, १८ जेठ २०७९

    राहदानी विभागले विद्युतीय राहदानीको व्यवस्था गरेको छ । यसको लागि अनलाइनबाट फाराम भरेर मिति र समय बुक गरेपछि सम्बन्धित जिल्ला प्रशासन कार्यालय वा विभागमा सो समयमा सम्पर्क गरी अनलाइन बाटै फारम भर्न सकिन्छ । राहदानी प्राप्त गर्न अनलाइन फारम अनिवार्य हो । यो प्रविधि संग सम्बन्धित भएकाले सोर्सफोर्स वा आर्थिक चलखेल नचल्ने र जसले पहिले समय लिन्छ उसको काम पहिले हुने विश्वास गरिन्छ ।

    तर, प्रविधि पनि मानिसले बनाएको हुँदा यसमा समेत समस्या देखिएको छ । बुधवार भक्तपुरमा एक सेवाग्राही आफूले अनलाइनबाट पाएको मिति र समयमा जिल्ला प्रशासन कार्यालयमा पुग्दा उनले पाएको संकेत नम्बरमा अर्कै व्यक्तिको विवरण देखिएपछि छक्क परे । आफूले अनलाइनबाट पाएको संकेत कोडले सम्पर्क मितिमा भने अर्कै व्यक्तिको विवरण देखाएपछि उनले सिडिओ रुद्रादेवी शर्मासंग गुनासो गरे । आफूले २ महिना कुरेर आएको पालोमा अर्कैको विवरण देखिएपछि उनले दुख व्यक्त गर्नु स्वाभाविकै हो । सिडिओ शर्माका लागि यो कुरा एउटा सेवाग्राहीको समस्या संग मात्र जोडिएको थिएन, प्रविधिमा समस्या वा प्रविधिको दुरुपयोग दुईमा कुनकुरा भएको हो भन्ने बुझ्न उनले तुरुन्तै तत्परता देखाउनुको बिकल्प थिएन ।

    सिडिओ शर्माले तुरुन्तै सम्बन्धित शाखाका कर्मचारी र अनलाइन फारम भरी मिति निश्चित गर्ने नजिकैका साइबर संचालकहरुलाई बोलाइन र कारण पत्ता लगाउन प्रयास गरिन । अनुसन्धानका क्रममा भक्तपुरमा एउटै सम्पर्क नम्बर प्रयोग गरी धेरै जनाको नाममा मिति र समय बुक गरीएको पाइएपछि जिल्ला प्रशासन कार्यालय भक्तपुर सतर्क भएको छ । सम्पर्क मिति र समय होल्ड गरी चलखेल भएको आशंकामा भक्तपुरकी सिडिओ रुद्रादेवी शर्माले अनुसन्धान गर्न सम्बन्धित शाखालाई निर्देशन दिएकी छन् । उनले कार्यालय नजिक रहेका अनलाइन फारम भर्ने साइबर संचालकहरुलाई एउटाको संकेत नम्बरमा अर्काको विवरण  चेतावनी समेत दिएकी छन् ।

    सिडिओ शर्माले हेर्दा सामान्य जस्तो भएपनि यो निकै गम्भीर कुरा भएको र यसमा संलग्नले कानुनी कारवाहीको भागिदार बन्नुपर्ने बताउदै कार्यालयमा यो समस्या दोहोरीए सम्बन्धित सबै साइबरका कम्युटर ल्याएर अनुसन्धान गरिने र दोषीलाई कडा कारवाही गर्ने बताइन । उनले यसबारे राहदानी विभागका साइबर विज्ञहरु संग बुझेर आवश्यक अनुसन्धान अघि बढाइने चेतावनी दिंदै राहदानी शाखालाई समेत थप सचेत रहन र सेवाग्राहीहरुको गुनासो तत्काल सम्बोधन गर्न निर्देशन दिएकी छन् ।

    भक्तपुरमा दैनिक ४ दर्जन बढी अनलाइन फारम भर्ने गरिएको छ । भरिएका फारमहरुको राहदानी १ हप्ता भित्र उपलब्ध हुने जिप्रका भक्तपुरमा राहदानी शाखा प्रमुख रहेकी प्रशासकीय अधिकृत लुमा श्रेष्ठले जनाएकी छन् । उनले बताए अनुसार जिल्लामा हप्ताको दुई पटक राहदानी वितरण हुँदै आएको छ ।

    यो पनि

    राहदानीको लागि निवेदन दिने तरिका

    प्रतिकृया दिनुहोस्

    माओवादी केन्द्रका केन्द्रीय सदस्य एवं भक्तपुरका नेता ढकालले दिए पार्टीलाई ६ बुँदे सुझाव

    नेकपा (माओवादी केन्द्र) का केन्द्रीय सदस्य रहेका भक्तपुरका युवा नेता डिपी ढकालले पार्टी लाई ६...

    विश्वविद्यालयको पठनपाठनमा अवरोध हुने गतिविधि राम्रो होइनः शिक्षामन्त्री पौडेल

    शिक्षा, विज्ञान तथा प्रविधिमन्त्री देवेन्द्र पौडेलले विश्वविद्यालयहरूमा तालाबन्दी लगाउने काम हुन नदिन सरकार सचेत रहेको...

    भारतीय दूतावासका भारतीय सुरक्षा गार्डद्धारा आफैँलाई गोली हानी आत्महत्या

    काठमाडौँको लैनचौरस्थित भारतीय दूतावासमा कार्यरत भारतीय सुरक्षा गार्डले ड्युटी समयमै आफैँलाई गोली हानी आत्महत्या गरेका...

    एसपीपीमा संलग्न भएको प्रमाण देखाउन ओलीको माग

    नेकपा एमालेका अध्यक्ष केपी शर्मा ओलीले एसपीपीमा सहभागि हुने विषयमा सुशील कोइराला नेतृत्वकै सरकारले एसपीपीमा...

    इनफ इज इनफः केपी ओली

    नेकपा एमालेका अध्यक्ष केपी शर्मा ओलीले सत्तारूढ दलका नेताहरूलाई अमेरिकासँग भएको स्टेट पार्टनरशिप प्रोग्राम (एसपीपी)...