भक्तपुर, २३ असार २०७९नेपाल रग्वी संघ भक्तपुरको अध्यक्षमा दिपेश लामिछाने चयन भएका छन । बिहीवार रग्वी संघ भक्तपुरको भेलाले अध्यक्षमा लामिछानेलाई चयन गरेको हो ।
लामिछानेको नेतृत्वमा पुनर्गठन गरिएको कार्यसमितिको उपाध्यक्षमा विश्व थिङ्ग र प्रद्युम्न श्रेष्ठ, सचिवमा निराकार भारती र कोषाध्यक्षमा सुष्मा कार्कीलाई चयन गरिएको छ । त्यसैगरी सदस्यहरुमा विनोद लामिछाने, उत्तम श्रेष्ठ, सुनिल न्हेम्हाफुकी, जनार्दन लामिछाने, सुन्दर प्रधान र विवेष बासु रहेका छन ।
भेलाले सिंगो कार्यसमिति निर्विरोध चयन गरेको नेपाल रग्वी संघ भक्तपुरले जनाएको छ । भक्तपुरमा रग्वी प्रति युवाको कम आकर्षण भएतापनि भक्तपुरको चाँगुनारायण नगरपालिका–७ स्थित भँगेरी डाँडामा अन्तर्राष्ट्रिय रग्वी रंगशाला निर्माण कार्य भइरहेको छ । नवनियुक्त अध्यक्ष लामिछानेले जिल्लामा विभिन्न प्रशिक्षण र प्रतियोगिता गरी रग्वी खेलप्रति आकर्षण बढाउने बताएका छन् ।