News Portal

  • भक्तपुर-२ मा गठबन्धनका थापा र एमालेका बस्नेतबीच रोमाञ्चक भिडन्त, २६ मनोनयन दर्ता

    भक्तपुरपोस्ट संवाददाता भक्तपुर, २३ असोज २०७९
    ११२४ पटक
    भक्तपुर, २३ असोज २०७९

    देशकै बढी मतदाता रहेको भक्तपुरको निर्वाचन क्षेत्र नम्बर २ बाट प्रतिनिधि सभा सदस्य उम्मेदवार बन्न २६ जनाले मनोनयन दर्ता गराएका छन् । आइतवार उनीहरुले बोडेस्थित निर्वाचन अधिकृतको कार्यालयमा पुगी मनोनयन दर्ता गराएका हुन् ।

    अघिल्लो पटक निर्वाचित निवर्तमान सांसद एवं पूर्व मन्त्री महेश बस्नेतले यसपटक पनि नेकपा(एमाले) बाट उम्मेद्वारी दिएका छन् । उनी नेकपा(एमाले) का पोलिटब्युरो सदस्य एवं युवा संघका इन्चार्ज समेत हुन् ।

    उनलाई परास्त गर्न सत्तारुढ गठबन्धनका तर्फबाट नेपाली काँग्रेसका जिल्ला सभापति दुर्लभ थापा क्षेत्री चुनावी मैदानमा उत्रिएका छन् । गत चुनावमा बाम गठबन्धनको बल बस्नेतलाई भएपनि यसपटक बाम लोकतान्त्रिक गठबन्धन बनेकाले थापा बलिया बनेका छन् । दुबै यस क्षेत्रका रैथाने नेता रहेका र आफूले रोजेका प्रदेश सभाका उम्मेदवार समेत पाएकाले चुनावी भिडन्त रोमाञ्चक हुने राजनीतिक विश्लेषकहरु बताउछन । गत स्थानीय निर्वाचनमा मध्यपुर थिमिमा गठबन्धन र सूर्यविनायक नगरमा एमाले नेतृत्वको बिजयले वर्तमान प्रतिस्पर्धा थप रोमाञ्चक बनाएको बताइन्छ ।

    यस क्षेत्रमा सत्तारुढ गठबन्धनबाट नेपाली काँग्रेसका नेता बिष्णुराज कार्कीले प्रदेश ‘क’ सूर्यविनायक क्षेत्रबाट उम्मेद्वारी दर्ता गराएका छन् भने उक्त क्षेत्रमा नेकपा (एमाले) का नेता एवं निवर्तमान वडाध्यक्ष किरण थापामगर मैदानमा उत्रिएका छन् । काँग्रेसका उम्मेदवार कार्की र एमालेका उम्मेदवार थापामगर दुबैले गत स्थानीय चुनावमा मेयरको टिकट दावी गरेका थिए तर मेयरको टिकट नपाएका उनीहरु संयोगबस प्रदेश सभामा आमनेसामने भएका छन् ।

    प्रदेश ‘ख’ मध्यपुर थिमि नगर क्षेत्रमा भने गठबन्धनका तर्फबाट एकीकृत समाजवादीका नेता डा राजेन्द्रमान श्रेष्ठले उम्मेदवारी दर्ता गराएका छन् । पार्टीका पोलिटब्युरो सदस्य समेत रहेका उनी अघिल्लो पटक यसै क्षेत्रबाट निर्वाचित प्रदेश सांसद समेत हुन् । उनलाई परास्त गर्न नेकपा(एमाले) बाट चन्दन कृष्ण श्रेष्ठ चुनावी मैदानमा उत्रिएका छन् । राप्रपा पृष्ठभूमिका श्रेष्ठ सफल व्यवसायी समेत हुन् ।

    नेमकिपाको तर्फबाट भने अघिल्लो निर्वाचनमा पनि उम्मेदवार रहेकी नेतृ अनुराधा थापामगरले प्रतिनिधि सभा सदस्यका लागि उम्मेद्वारी दर्ता गराएकी छन् । प्रदेश सभाका लागि ‘क’ सूर्यविनायक नगर क्षेत्रमा पनि पार्टीका केन्द्रीय सदस्य सरोजराज गोसाईकै उम्मेद्वारी परेको छ भने ‘ख’ मध्यपुर थिमि क्षेत्रमा रमेश वैद्यले उम्मेदवारी दर्ता गराएका छन् ।

    प्रतिनिधि सभामा २६ उम्मेद्वारी दर्ता भएको निर्वाचन क्षेत्र नम्बर २ को प्रदेश सभामा भने क र ख दुबै क्षेत्रमा १४ जनाको उम्मेद्वारी परेको निर्वाचन कार्यालय भक्तपुरका सूचना अधिकारी भिम बहादुर बिसीले बताए । यस क्षेत्रमा स्वतन्त्र उम्मेदवारहरुको समेत आकर्षण देखिएको छ । (सच्याइएको : अनुराधा हुनुपर्नेमा अन्यथा भएकोले सच्याइएको छ ।)

    प्रतिकृया दिनुहोस्

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...

    सिरोहियाको पक्षमा बोलेर आलोचित बनेका महले मागे माफी

    कान्तिपुर मिडिया ग्रुपका अध्यक्ष कैलास सिरोहियाको पक्षमा बोलेपछि आलोचित बन्न पुगेका कलाकारद्वय मदन कृष्ण श्रेष्ठ...

    दधिकोटका घिमिरेलाई उत्कृष्ट मानव अधिकार सेवा पुरस्कार

    भक्तपुरको सूर्यविनायक- ४ दधिकोट निवासी लोकनाथ घिमिरेलाई उत्कृष्ट मानव अधिकार सेवा पुरस्कार प्रदान गरिएको छ...

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...