News Portal

  • गठबन्धन चुनावका लागि मात्र होइन : दुर्लभ थापा

    भक्तपुरपोस्ट संवाददाताभक्तपुर, २९ असोज २०७९
    ७८४ पटक
    भक्तपुर, २९ असोज २०७९

    भक्तपुर २ मा बाम लोकतान्त्रिक गठबन्धनका साझा उम्मेदवार रहेका दुर्लभ थापाले एमाले संग पनि सहकार्य गर्ने बताएका छन् । नेपाली काँग्रेसका जिल्ला सभापति समेत रहेका उम्मेदवार थापाले एमालेलाई नएक्ल्याउने बताएका हुन् ।

    शनिवार राधेराधेमा चुनाव परिचालन समितिको कार्यालय उद्घाटनको अवसरमा कार्यकर्ता लाई सम्बोधन गर्दै उनले भने, ” हामी लोकतन्त्रको मर्म अनुसार स्वच्छ प्रतिष्पर्धामा छौं, चुनावपछि एमाले संग पनि सहकार्य गरेर अघि बढ्छौं ।” आफूहरु कसैलाई हराउन उम्मेदवार नभएको भन्दै सभापति थापाले सबै उम्मेदवार प्रति सम्मान गर्दै जनताको मतद्वारा निर्वाचन जित्ने उद्घोष गरे । ” हामीले हाम्रो लागि मात्र लोकतन्त्र ल्याएका होइनौं, निर्वाचनमा उम्मेदवार हुने स्वतन्त्र उम्मेदवार प्रति पनि हाम्रो सम्मान छ । जनताको फैसलाले हाम्रो जित सुनिश्चित छ ।” उनले भने । सभापति थापाले वर्तमान गठबन्धन संघीय लोकतान्त्रिक व्यवस्थाको रक्षा र संविधान कार्यान्वयन गर्ने उदेश्यले बनेको दावी गर्दै आफूहरुले जित्नुको बिकल्प नभएको बताए । उनले वर्तमान गठबन्धन चुनावका लागि मात्र नभई कम्तिमा पाँच वर्ष संगसंगै अघि बढ्ने बताए ।

    उक्त अवसरमा भक्तपुर २ प्रदेश ‘क’ सूर्यविनायक क्षेत्रका उम्मेदवार विष्णुराज कार्की र प्रदेश ‘ख’ मध्यपुर थिमी क्षेत्रका उम्मेदवार डा राजेन्द्रमान श्रेष्ठले एकतामै बल हुने बताउदै एकतावद्ध भएर प्रतिगामी शक्तिलाई पराजित गर्दै बाम लोकतान्त्रिक गठबन्धनले जित्ने विश्वास व्यक्त गरेका थिए । कार्यक्रममा स्वतन्त्र उम्मेदवार कल्पदिप राइले आफ्नो उम्मेदवारी फिर्ता लिएको घोषणा गर्दै बाम लोकतान्त्रिक गठबन्धनका उम्मेदवारलाई सबै मिलेर जिताउन पर्ने जिकिर गरे ।

    प्रतिकृया दिनुहोस्

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...