प्रतिनिधि सभा र प्रदेश सभा निर्वाचनलाई मध्यनजर गरी सरकारले मदिरा बिक्रीवितरण, ओसारपसार र सेवनमा निषेध गरेको छ । बुधबार राती १२ बजेदेखि यो ब्यवस्था लागू गरिएको हो ।                                                                              जिल्ला प्रशासन कार्यालय भक्तपुरले एक सूचना जारी गरी मदिरा बिक्रीवितरण, ओसारपसार र सेवन नगर्न निर्देशन जारी गरेको छ । सहायक प्रमुख जिल्ला अधिकारी माधवप्रसाद शर्मा घिमिरेद्वारा प्रेषित सूचनामा निर्वाचन नसकिएसम्म र मतगणना स्थल वरपर गणना नसकिएसम्मका लागि मदिरा बिक्रीवितरण, ओसारपसार र सेवन गर्न निषेध गरिएको छ ।                                                                                                          प्रमुख जिल्ला अधिकारी रुद्रादेवी शर्माले निर्देशन कडाइका साथ लागू गरिने जानकारी गराइन । निर्देशन अवज्ञा गर्नेलाई कडा कार्वाही गरिने उनको भनाइ छ ।