लोकतान्त्रिक बाम गठबन्धनका प्रतिनिधि सभा सदस्य उम्मेदवार दुर्लभ थापाले मतदान गरेका छन् । क्षेत्र नम्बर २ का उम्मेदवार थापाले करिब पौने १२ बजे मतदान गरेका हुन् ।                                                                                                 सूर्यविनायक- ५ कटुन्जेस्थित शुशिला भैरव ख मतदानकेन्द्र बाट उनले मतदान गरे । उम्मेदवार थापाले कटुन्जेको र भक्तपुरको नाम उचो राख्नसक्ने आफूलाई मतदाताले अत्यधिक मतले बिजयी बनाउने बिश्वास ब्यक्त गरेका छन् ।                                                                                                         वर्तमान संघीय लोकतान्त्रिक गणतन्त्रको र संविधानको रक्षा एवं विकास तथा समृद्धिका लागि आफ्नो उम्मेदवारी रहेको र आफू लोकतान्त्रिक आन्दोलन र न्यायपूर्ण आन्दोलनको अग्र भागमा रहेर भक्तपुरको बिकासको लागि लागिरहेको दावी गर्दै उनले गठबन्धनको मात्र नभई सम्पूर्ण लोकतन्त्रवादी र न्यायप्रेमी मतदाताले आफूलाई अत्यधिक मतले बिजयी गराउने बताए ।