भक्तपुरपोस्ट संवाददाता भक्तपुर, ४ मङ्सिर २०७९
भक्तपुर, ४ मङ्सिर २०७९भक्तपुरमा ७२.१९ प्रतिसत मत खस्दा निर्वाचन आयोगका प्रमुख निर्वाचन आयुक्त दिनेश थपलियाको मतदान केन्द्रमा ६७.१४ प्रतिसत मत खसेको छ । थपलियाले मतदान गरेका निर्वाचन क्षेत्र नम्बर २ को मध्यपुर थिमी १ स्थित युनिक नेपाल एकेडेमीमा ६७.१४ प्रतिसत मत मात्र खसेको हो ।
कूल ५ हजार १ सय ९० मतदाता रहेका यो केन्द्रबाट ३ हजार ४ सय ८५ मतदाताले मात्र मत खसालेका हुन् । यहाँ यो केन्द्र सबैभन्दा कम मत खसेको केन्द्र भने होइन । मध्यपुर थिमीकै नगरपालिका परिसर केन्द्रमा ६५ प्रतिसत मात्र मत खसेको छ ।
२ सय २० मतदान केन्द्र रहेको भक्तपुरमा सबैभन्दा बढी मत भने निर्वाचन क्षेत्र नम्बर १ को भक्तपुर नगरपालिका स्थित ख्वप इञ्जिनियरिङ्ग कलेज मतदान केन्द्रमा खसेको छ । यहाँ ८० प्रतिसत मतदाताले मत हालेका छन् ।