News Portal

  • ब्राजिल सरकार तीन दिन शोकमा

    भक्तपुरपोस्ट संवाददाता भक्तपुर, १५ पुस २०७९
    २०३ पटक
     भक्तपुर, १५ पुस २०७९

    ब्राजिल सरकारले तीन दिन शोकको घोषणा गरेको छ । अमेरिकी राष्ट्रपति जो बाइडेनले फुटबलका महान खेलाडी पेलेको निधनमा दुःख व्यक्त गरेका छन् ।

    ब्राजिलका महान फुटबलर पेलेको ८२ वर्षको उमेरमा निधन भएको छ । उनको निधनप्रति विश्वभरका फुटबलप्रेमी तथा फुटबल खेलाडीहरुले श्रद्धाञ्जली व्यक्त गरेका छन् ।

    ब्राजिलका फरवार्ड नेयमारले पेलेको निधनमा श्रद्धाञ्जली व्यक्त गर्दै लेखेका छन ‘किङ पेले, जसले सबैकुरा परिवर्तन गरे।’

    त्यसैगरी, अर्जेन्टिनाका कप्तान लियोनेल मेस्सीले पनि सामाजिक सञ्जालमा पेलेको तस्बिर राख्दै श्रद्धाञ्जली व्यक्त गरेका छन् ।

    फ्रान्सेली खेलाडी केलियन एम्बाप्पेले पेलेप्रति श्रद्धाञ्जली व्यक्त गरेका छन् । एम्बाप्पेले पेलेलाई फुटबलको राजा भन्दै उनको विरासत कहिले पनि भुल्न नसकिने उल्लेख गरेका छन् ।

    त्यस्तै, पोर्चुकलका कप्तान क्रिस्टियानो रोनाल्डोले पनि पेलेप्रति श्रद्धाञ्जली व्यक्त गर्दै उनको निधनमा अहिले विश्व फुटबलले भोगेको दुःख वर्णन गर्न नसकिने बताएका छन् ।

    सामाजिक सञ्जाल फेसबुकमार्फत उनले भनेका छन्, ‘सम्पूर्ण ब्राजिलका लागि मेरो गहिरो संवेदना, र विशेष गरी एडसन एरान्टेस डो नासिमेन्टोको परिवारलाई । शाश्वत राजा पेलेलाई केवल ‘अलबिदा’ मात्र सम्पूर्ण फुटबल संसारले हारेको पीडा व्यक्त गर्न कहिल्यै पर्याप्त हुने छैन ।’

    ‘धेरै लाखौँको लागि प्रेरणा, हिजो, आज र सदाको लागि सन्दर्भ । तपाईँले मलाई देखाउनुभएको माया प्रत्येक पलमा हामीले टाढाबाट पनि स्मरण गरिरहनेछु ’ उनले थपेका छन् ।

    फिफा अध्यक्ष गियानी इन्फान्टिनोले पनि पेलेप्रति श्रद्धाञ्जली व्यक्त गरेका छन् ।

    प्रतिकृया दिनुहोस्

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...

    पटके बाटो इजाजत पत्र अनलाइनबाटै उपलब्ध गराइने कार्यको भक्तपुरबाट शुभारम्भ

    अब यातायात कार्यालयले पटके बाटो इजाजत पत्र अनलाइन बाटै उपलब्ध गराउने भएको छ । उक्त...