भक्तपुरपोस्ट संवाददाताभक्तपुर, १५ पुस २०७९
भक्तपुर, १५ पुस २०७९ सम्पन्न सेन्ट्रल जोन सिनियर पुरुष तथा महिला बीच भलिबलमा नेपाल दोस्रो भएको छ । बंगलादेशमा सम्पन्न सो खेलमा नेपाली टोली पुरुष र महिला दुवैमा उपविजेता बनेको हो ।
पुरुषतर्फ शुक्रबार बिहान भएको फाइनलमा नेपालका मानबहादुर श्रेष्ठ र दिल सुनारको जोडी माल्दिभ्सका एडाम नासिम र स्मेलको जोडीसँग २–० को सोझो सेटमा पराजित भएका थिए ।
नेपाल पहिलो सेट २१–१३ र दोस्रो सेटमा २१–१९ ले पछि परेको थियो । तेस्रो स्थानमा बंगलादेश रह्यो । बंगलादेशले किर्गिस्तानलाई २–० को सोझो सेटमा हरायो । पुरुषतर्फ आयोजक बंगलादेशसँगै नेपाल, किर्गिस्तान, भुटान र माल्दिभ्सको सहभागिता रहेको थियो ।
महिलातर्फ बिहीबार भएको फाइनलमा नेपालको कोपिला उप्रेती र कमला पुनको जोडी श्रीलंकाकी चथुरिका र दीपिकाको जोडीसँग २–० को सोझो सेटमा पराजित हुँदै उपविजेता बनेको हो ।