भक्तपुर, २७ जेठ २०८०भक्तपुरमा राष्ट्रव्यापी पुरुष भलिवल प्रतियोगिता शुरु भएको छ । शनिवार सूर्यविनायक नगरपालिकाका प्रमुख बासुदेव थापाले प्रतियोगिता उद्घाटन गरेका हुन् ।
ओम सृजनशील समाजको आयोजना र सूर्यविनायक नगरपालिकाको समन्वयमा प्रतियोगिता शुरु गरिएको कार्यक्रम संयोजक पेशल आचार्यले जनाएका छन् । आचार्यका अनुसार प्रतियोगितामा विभिन्न जिल्लाका १० वटा टिमको सहभागिता रहेको छ । प्रतियोगिता सोमबारसम्म चल्ने उनले जानकारी गराए ।
प्रतियोगितामा प्रथम हुनेलाई ५० हजार, दोस्रो हुनेलाई २५ हजार, तेस्रो हुनेलाई १५ हजार र १० हजार राशीको सान्त्वना पुरस्कारको पनि ब्यवस्था गरिएको बताइएको छ ।
उद्घाटन कार्यक्रमलाई सम्बोधन गर्दै प्रमुख अतिथि रहेका नगर प्रमुख बासुदेव थापा, जिल्ला खेलकुद विकास समितिका अध्यक्ष दीपक थापा र ओम सृजनशील समाजका अध्यक्ष अर्जुन केसी लगायतले प्रतियोगिताको महत्वमाथि प्रकास पारेका थिए ।