भक्तपुरको चाँगुनारायण नगरपालिकाले प्रशासकीय भवन उद्घाटन गर्न सेवा ठप्प पारेको छ । शुक्रवार नगरपालिकाको कार्यालय भवन उद्घाटन गर्न सेवा ठप्प पारिएको हो ।

नगरपालिका र वडाले दिने सेवा मात्र होइन, भवन उद्घाटन गर्न स्वास्थ्य संस्था र विद्यालय समेत बन्द गरिएको छ । विद्यार्थी र शिक्षकलाई सहभागिताको लागि उर्दी गरिएको छ ।

राष्ट्रपति रामचन्द्र पौडेलले नवनिर्मित भवनको उद्घाटन गर्ने तयारी गरेपनि उनी आएनन । बिबादित जमिनमा भवन बनेका कारण राष्ट्रपति पौडेलले आउन इन्कार गरेका श्रोतले जनाएको छ । उनी नआउने जानकारी पाएको नगरपालिकाले नगर प्रमुख जीवन खत्री बाटै प्रशासकीय भवन उद्घाटनको तयारी गरेको छ । भक्तपुरकी सिडिओ रोशनी श्रेष्ठ उद्घाटन समारोहमा उपस्थित रहेपनि भवन शिलान्यास गरेका पूर्व नगर प्रमुख सोमप्रसाद मिश्र र पूर्व उपप्रमुख बिना बास्तोला समेत कार्यक्रममा अनुपस्थित रहेका छन् ।

नगरपालिकाका सबै नागरिकलाई निम्ता गरिएको उद्घाटन कार्यक्रममा उपस्थिति उत्साहजनक छैन । सबै राजनीतिक दलका प्रतिनिधि र स्थानीय सामाजिक संघसंथाका प्रतिनिधिको पनि उपस्थिति देखिएको छैन । आफूहरूको जमिन अनधिकृत कब्जा गरी नगरपालिकाले भवन निर्माण गरेको र अदालतको आदेश समेत उल्लंघन गरिएको जिकिर गर्दै जीवन ढुङ्गानाले राष्ट्रपतिलाई अबैध संरचनाको उद्घाटनमा सहभागी नहुन अपिल गरेका थिए । भक्तपुर  पोष्टले जग्गा बिबादबारे समाचार प्रकाशन गरेको थियो ।                                            यो पनि

पंचायतको न्याय गणतन्त्रमा गायव, चाँगुको बिबादित भवनमा जोडिदै राष्ट्रपति पौडेल