News Portal

  • भक्तपुरको सैनिक स्कूलले जित्यो आइजीपी रनिङ ट्रफी

    भक्तपुर पोष्ट संवाददाता भक्तपुर, ६ पुस २०८०
    २४८ पटक
    भक्तपुर, ६ पुस २०८०

    आइजीपी रनिङ ट्रफी फुटबल प्रतियोगिता २०८० को उपाधी भक्तपुरको सल्लाघारीस्थित सैनिक आवासीय स्कूलले जितेको छ । शुक्रवार सम्पन्न अन्तिम खेलमा सर्बोत्कृष्ट हुँदै सल्लाघारीस्थित सैनिक स्कूलले उपाधी जितेको हो ।

    फाइनल खेलमा सैनिक आवासीय स्कूल भक्तपुरले ल्याबोरेटोरी स्कूल कीर्तिपुरलाई टाइबेकरमा हराएको थियो । सैनिक आवासीय स्कूलले ल्याबोरेटोरीलाई ३-० गोल अन्तरले पराजित गरेको छ । निर्धारित समयको खेल २-२ को बराबरीमा सकिएपछि टाइबेकरमा खेलाइएको थियो ।

    प्रतियोगितामा सैनिक आवासीय भक्तपुरको टीम प्रथम, ल्याबोरेटोरी स्कूल कीर्तिपुर टीम द्वितीय र नेपाल पुलिस स्कूल साँगा ‘ए’ टीम तृतीय भएका छन् । प्रतियोगितामा प्रथम हुने टीमले ५० हजार, द्वितीय हुने टीमले ४० हजार र तृतीय हुने टीमले ३० हजार रुपैयाँ नगद पुरस्कार प्राप्त गरेका छन् ।

    मंसिर २० गतेदेखि शुरु भएको उक्त प्रतियोगितामा नेपाल पुलिस स्कूल साँगाका ‘ए’ र ‘बि’ टीम, नेपाल पुलिस स्कूल धरान र सामाखुसी, सैनिक आवासीय महाविद्यालय, सशस्त्र प्रहरी विद्यालय लगायत काठमाडौं, भक्तपुर, ललितपुर र काभ्रेका गरी जम्मा १६ विद्यालयका १७ टीमको सहभागिता रहेको थियो ।

    कार्यक्रममा पुरस्कार वितरण गर्दै प्रहरी महानिरीक्षक बसन्त बहादुर कुँवरले खेलकुदले विद्यार्थीहरूको प्रतिभालाई प्रष्फुटन गर्नुको साथै रचनात्मक तथा सिर्जनात्मक क्षमता अभिवृद्धि गर्ने बिश्वास व्यक्त गरे । विज्ञान र प्रविधिको आजको युगमा शैक्षिक गतिविधिलाई समयसापेक्ष, व्यवहारिक बनाउने शैक्षिक वातावरण बनाउन समेत उनले निर्देशन दिएका छन् ।

    कार्यक्रममा बनेपा नगरपालिकाका प्रमुख शान्ति रत्न शाक्य, काभ्रे जिल्लाकी प्रमुख जिल्ला अधिकारी रूद्रादेवी शर्मा, प्रहरी अतिरिक्त महानिरीक्षकहरू, प्रहरी नायव महानिरीक्षकहरू, प्रहरी अधिकृतहरु, विद्यालय व्यवस्थापन समितिका पदाधिकारीहरु, स्थानीय तहका जनप्रतिनिधिहरु, शिक्षक तथा विद्यार्थीहरु, अभिभावक, स्थानीय वासिन्दा, सञ्चारकर्मी, विभिन्न संघसंस्थाका प्रतिनिधि लगायतको उपस्थिति रहेको थियो ।

    प्रतिकृया दिनुहोस्

    चाँगुनारायणमा मोटरसाइकल दुर्घटना हुँदा पछाडी सवार मानिसको गयो ज्यान

    भक्तपुरको चाँगुनारायण नगरपालिका वडा नं. ७ भद्रकालीमा मोटरसाइकल दुर्घटना हुँदा पछाडी सवार मानिसको ज्यान गएको...

    भक्तपुरमा दिनदहाडै बाघको आक्रमणबाट बालिका घाइते

    भक्तपुरको चाँगुनारायण नगरपालिका वडा नं. ४ साङदह स्थित मामाघरमा बस्दै आएकी एक बालिका बाघको आक्रमण...

    भक्तपुरका सफल व्यवसायी एवं समाजसेवी कासिछ्वालाई मातृशोक

    भक्तपुरका सफल व्यवसायी, युवा समाजसेवी, स्वतन्त्र अभियन्ता एवं खेलाडी श्रीभक्त कासिछ्वालाई मातृशोक परेको छ ।...

    भक्तपुर अस्पतालमा करार सेवाको जागिरका लागि ३ दर्जन बढी डाक्टरको आवेदन

    भक्तपुर अस्पतालमा करार सेवाको जागिरका लागि ३ दर्जन बढी डाक्टरले आवेदन दिएका छन् । पदपूर्तीका...

    पत्रकार थापालाई पितृशोक

    नेपाल पत्रकार महासंघ भक्तपुरकी पूर्व उपाध्यक्ष एवं गोरखापत्र दैनिककी फोटो पत्रकार कविता थापालाई पितृशोक परेको...