News Portal

  • खेलकुदको माध्यमबाट मध्यपुर थिमिलाई देशबिदेशमा चिनाउन सकिने सांसद थापाको दावी

    भक्तपुर पोष्ट संवाददाता मध्यपुर थिमि, २९ माघ २०८०
    १३३ पटक
    मध्यपुर थिमि, २९ माघ २०८०

    भक्तपुर क्षेत्र नं. २ का प्रतिनिधि सभा सदस्य दुर्लभ थापाले मध्यपुर थिमिले खेलकुदको क्षेत्रमा राम्रो गरिरहेको जिकिर गरेका छन् । मध्यपुर थिमि नगरपालिकाले खेलकुदलाई प्राथमिकता पूर्वक अघि बढाएको र यसले राम्रा खेलाडी उत्पादनमा टेवा पुगिरहेको उनले बताएका हुन् ।

    वडा लिग फुटबल प्रतियोगिताको सोमबार उद्घाटन गर्दै सांसद थापाले मध्यपुर थिमिलाई खेलकुदको माध्यमबाट चिनाउन लिग सफल हुने विश्वास व्यक्त गरे । खेलकुदले खेलाडीको स्वास्थ्य र देशको प्रतिष्ठा दुवै बढाउने बताउदै उनले खेल क्षेत्रलाई तीनै तहका सरकारले थप महत्व दिनुपर्नेमा जोड दिए ।

    नेपाली खेलाडीहरुले देशको नाम राखिरहेका स्मरण गर्दै सांसद थापाले सरकारले खेलाडीका लागि अवसरको सिर्जना गरिरहेको दावी गरे । खेलाडीले खेलेरै गुणस्तरीय जीवनको ग्यारेन्टी गर्न सके देशको खेल क्षेत्रबाट देशले प्रतिफल प्राप्त गर्नसक्ने समेत उनले प्रष्ट पारेका छन् ।

    उक्त अवसरमा मध्यपुर थिमि नगरपालिकाका प्रमुख सुरेन्द्र श्रेष्ठले सानोथिमिस्थित मैदानलाई नगरपालिकाको रंगशालाकोरुपमा विकास गर्ने र अर्को वर्षसम्म दर्शकको सुविधाको लागि प्याराफिट निर्माण गर्ने योजना रहेको बताए ।

    उपप्रमुख विजयकृष्ण श्रेष्ठले मध्यपुर थिमि विगतमा पनि विभिन्न खेलको राष्ट्रिय खेलाडी उत्पादन गरेको नगर भएको चर्चा गर्दै खेल क्षेत्रको विकासका लागि नगरपालिकाले ठूलो लगानी गरिरहेको बताए ।

    मध्यपुर युथ एशोसियसनका अध्यक्ष एवम् फुटबलका पूर्व राष्ट्रिय कप्तान तथा गोलकिपर उपेन्द्रमान सिंहले वडा लिग मध्यपुर थिमिका स्थानीय खेलाडीलाई राष्ट्रियस्तरमा पुग्ने अवसरको रुपमा रहेको बताए ।

    एशोसियसनका उपाध्यक्ष अष्ट कवेको सभापतित्वमा सम्पन्न उद्घाटन समारोहमा नेपाली कांग्रेसका केन्द्रीय सदस्य एवम् मध्यपुर थिमि नगरपालिकाका पुर्व नगरप्रमुख मदनकृष्ण श्रेष्ठ, नेकपा एमाले भक्तपुर जिल्ला अध्यक्ष वचन देउजा, मध्यपुर थिमि नगरपालिकाका पुर्व नगरप्रमुख मदनसुन्दर श्रेष्ठलगायतले खेल मैदानलाई थप व्यस्थित गर्नुपर्नेमा जोड दिएका थिए ।

    प्रतियोगितामा मध्यपुर थिमि नगरपालिकाका ९ वटा वडाका ९ टोलीको सहभागीता रहेको छ । सिंगल राउण्ड रोविन लिगका आधारमा खेलाईने प्रतियोगितामा सहभागी टोलीले एक आपसमा ८ खेल खेल्नेछन र कुल ३६ खेल सञ्चालन हुने प्रतियोगिताको प्राविधिक समितिका संयोजक उपेन्द्रमान सिंहले बताए ।

    अंक तालिकाको शिर्ष स्थानमा रहने टोलीले उपाधि जित्नेछ भने प्रतियोगिता फागुन २४ गतेसम्म सञ्चालन हुने बताइएको छ ।

    यसैबीच मध्यपुर थिमि नगरपालिका वडा लिग फुटबल प्रतियोगिताको दोस्रो संस्करणमा साविक विजेता वडा नं. ९ ले विजयी शुरुवात गरेको छ । मध्यपुर थिमि नगरपालिकाको प्रायोजन र मध्यपुर युथ एशोसियसनको आयोजनामा आज (सोमवार)देखी शुरु भएको प्रतियोगितामा वडा नं. ९ ले वडा नं. ४ लाई १–० ले पराजित गर्दै विजयी शुरुवात गरेको हो ।

    वडा नं. ९ को जितमा विज्ञान राजबहाक नायक बने । उनले खेलको ८८ औं मिनेटमा गोल गर्दै टोलीलाई महत्वपूर्ण ३ अंक दिलाएका थिए । खेल बराबरीतर्फ उन्मुख भइरहेको अवस्थामा वडा नं. ४ का खेलाडीको गल्तीको फाइदा उठाउँदै वडा नं. ९ का सगुन राजबहाकले दिएको पास सदुपयोग गर्दै विज्ञानले गोल गरेका हुन ।

    सगुनले दिएको पासमा विज्ञानले वडा नं. ४ का एक डिफेण्डरलाई छलाई गरेको लेफ्टफुटेड प्रहार पोष्टको दाँया कुनाबाट गोलमा परिणत भएको हो । खेलको म्यान अफ दि म्याच पनि विज्ञान घोषित भएका आयोजकले जनाएको छ ।

    प्रतिकृया दिनुहोस्

    आदर्शस्थित औषधी पसलमा आगलागी, लाखौंको क्षती

    भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र...

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    मध्यपुर थिमि नगरपालिकाले संचालन गरेको नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...