भक्तपुर, २० असोज २०८१प्रथम जिल्लाव्यापी आमन्त्रित व्याडमिन्टन प्रतियोगिताको उपाधि चन्द्र–वैभव व्याडमिन्टन क्लवका दिपक बस्नेत र युवराज श्रेष्ठले जितेका छन् ।
चन्द्र–वैभव व्याडमिन्टन क्लव सूर्यविनायक नगरपालिका–८ को आयोजनामा भएको प्रतियोगिताको फाइनलमा बस्नेत र श्रेष्ठको जोडीले चुनदेवी व्याडमिन्टन क्लव कटुञ्जेका चक्र थापा र शिवनारायण चौधरीको जोडीलाई १९–२१, २१–१७ र २१–१८ को सेटमा पराजित गर्दै उपाधि उचालेका हुन् ।
त्यसैगरी चुनदेवी व्याडमिन्टन क्लव कटुञ्जेकै बद्री बस्नेत र बिरेन्द्र विक्रम लामाको जोडी तथा सोही क्लवका अनुप के.सी. र सुरज खत्रीको जोडी तृतीय भए ।
विजेताले नगद १० हजार, उपविजेताले नगद ५ र तृतीयले नगद ३/३ हजार सहित मेडल, ट्रफी र प्रमाण पत्र प्राप्त गरे । प्रतियोगितामा १९ टिमका ३८ जना खेलाडीहरुले प्रतिस्पर्धा गरेका थिए ।
विजेता खेलाडीलाई सूर्यविनायक नगरपालिकाका प्रमुख बासुदेव थापाले पुरस्कार वितरण गरेका थिए ।सो अवसरमा थापाले स्वस्थ जीवनको लागि खेलकुद क्षेत्र महत्वपूर्ण रहेको बताए । प्रमुख थापाले खेल क्षेत्रमा नगरपालिकाले प्राथमिकता पूर्वक लगानी बढाएको बताउँदै थप बिकासका लागि प्रतिवद्धता पनि प्रकट गरे ।