काठमाडौँ, २५ जेठभारतीय प्रधानमन्त्री नरेन्द्र मोदीलाई माओबादीले मार्न योजना बनाइरहेको बताइएको छ । गृहमन्त्री राजनाथ सिंह स्वयमले उक्त कुरा बताएका हुन् ।
प्रधानमन्त्री मोदीप्रति विद्रोही शक्तिमा रुपमा रहेको भारतीय कम्युनिष्ट पार्टी (माओवादी) ले हत्याको षडयन्त्र गरिरहेको खुफिया सूचना प्राप्त भएको गृहमन्त्री सिंहले शुक्रबार खुलासा गरेका छन् ।
सरकार सुरक्षाप्रति संबेदनशील भएको भन्दै सिंहले बिद्रोहीहरुको यो अभिष्ट कदापी पुरा हुन नसक्ने समेत बताए ।
“हामी प्रधानमन्त्रीको सुरक्षाका बारेमा सधै गम्भीर छौं, माओवादीहरूले हार्ने लडाई लडिरहेका छन्, उनीहरू अहिले दश जिल्लामा मात्रै सक्रिय छन्,” जम्मु र काश्मिरको दुई दिने भ्रमणका क्रममा रहेका सिंहले शुक्रवार जम्मुमा आयोजित पत्रकार सम्मेलनमा भने ।
पूर्व प्रधानमन्त्री तथा नेता राजीव गान्धीको हत्या गरे जसरी नै प्रम मोदीको हत्या गर्ने षड्यन्त्र भैरहेको भारतीय संचार माध्यमहरुमा खबर छ ।