News Portal

  • गन बोकेर बस्ती पसे सांसद बस्नेत : आवश्यक हुनेलाई उपलब्ध गराइने

    भक्तपुर, २५ भदौ
    ९६१ पटक
    भक्तपुर, २५ भदौ

    देशभर फैलिएको डेंगु रोगका बिरामीहरु भक्तपुरमा पनि देखिएपछि भक्तपुर निर्वाचन क्षेत्र नम्बर-२ का निर्वाचित प्रनिनिधिसभा सांसद महेश बस्नेत आफै लामखुट्टे मार्ने गन बोकेर बस्तीमा पसेका छन् । ३ दिनदेखि उनी लामखुट्टे मार्ने गन बोकेर बस्ती पसेका हुन् ।

    भक्तपुरमा डेंगु सार्ने लामखुट्टे नियन्त्रण गर्ने उदेश्यले उनी गन बोकेर बस्ती पसेका उनका स्वकीय सचिव दिनेश थापाले बताए । थापाका अनुसार डेंगुबारे नियन्त्रण प्रयास भन्दा अफवाह बढी फ़ैलिएपछि सबैले यसको नियन्त्रणमा सहयोग गरुन भन्ने उदेश्यले सांसद बस्नेत स्वयम् गन बोकेर लामखुट्टे मार्दै हिड्न थालेका हुन् ।

    पूर्व उद्योग मन्त्रीसमेत रहेका सांसद बस्नेत बुधवार मध्यपुर थिमी-१ स्थित मनहरा खोला छेउको सुकुम्बासी बस्ती पुगेका थिए । सुकुम्बासी बस्ती पुगेर उनले स्थानीयको घर आगनमा लामखुट्टे मार्दै गरेको दृश्यले सबैलाई आकर्षित गरेको थियो । आफ्नो जनप्रतिनिधि आफ्नै घर आगनमा लामखुट्टे मार्न आएको देखेर स्थानीय दंग देखिएका थिए । केटाकेटीले उनलाई पछ्याएका थिए भने युवाहरु उनीसंगै सफाइमा जुटेका थिए ।

    मेसिन गन बाट आउने धुवाको मुस्लोले डेंगु सार्ने लामखुट्टे मात्र नभई अन्य किरा /भुसुना पनि मार्ने र यो रोग नियन्त्रणमा प्रभावकारी भएको सांसद बस्नेतले बताए । एउटाको सवा लाख रुपैया मूल्य पर्ने गन बस्नेतकै पहलमा ल्याइएको बताइएको छ । अर्को गन भने मध्यपुरकी उपमेयर अन्जना देवी मधिकर्मीले लिएर लामखुट्टे मार्दै हिडेकी थिइन् ।

    हनुमन्ते नदी सफाई अभियानको आयोजनमा भैरहेको सफाई अभियानको शृंखलाको रुपमा डेंगु नियन्त्रण अभियान चलाइएको हो । डिजेल, पेट्रोल र जिभ्यान नामक किटनाशक औषधि मिसाएर गनबाट छर्किएपछि त्यो धुवाको रुपमा फैलने र त्यसले लामखुट्टे मार्ने जानकारी प्राप्त भएको छ ।

    उक्त अभियानमा स्प्रे छर्कने मात्र नभई लामखुट्टेले फुल पार्ने र बस्ने ठाउँहरु समेत हटाइएको थियो । उक्त अवसरमा बस्नेतलाई हनुमन्ते सरसफाइ अभियानकी सह-संयाेजक मध्यपुर थिमीकी उपमेयर अञ्जना देवी मधिकर्मी,चलचित्रकर्मी तथा अभियन्ता मदन घिमिरे, उत्प्रेरक रुद्र पौडेल, नवराज काफ्ले लगायतले साथ दिएका थिए भने दर्जनौ युवाहरु सफाईमा जुटेका थिए ।

    नेकपाका केन्द्रिय सदस्य समेत रहेका सांसद महेश बस्नेतका स्वकीय सचिव दिनेश थापाका अनुसार डेंगु नियन्त्रणको यो अभियानले निरन्तरता पाउने छ । थापाले अन्य आवस्यक स्थानमा माग भएमा गन उपलब्ध गराइने जानकारी गराए । सरसफाइका उत्प्रेरक रुद्र पाेडेलको मोबाइल नम्बर ९८५१०४०९११ र संयाेजक नरेश रंजितको मोबाइल नम्बर ९८५११०६७४२ त्यसैगरी सदस्य सचिव नवराज काफ्लेको मोबाइल नम्बर ९८५१०१३७५८ मा सम्पर्क गरी गन प्राप्त गर्न सकिने थापाको भनाइ छ ।

    यो पनि पढ्नुस्

    भक्तपुरमा पनि देखियो डेंगु : यस्ता छन् बच्ने उपाय

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...