News Portal

  • इरानका नेपालीलाई उद्दार गर्न ‘एक्टिभ’ टोलीको गठन गरिंदै

    भक्तपुर, २२ पुस
    ३३७ पटक
    भक्तपुर, २२ पुस

    सरकार इरानमा रहेका नेपालीहरुको विषयलाई लियर चिन्तित बनेका छन् । केहि सातायता इरान र अमेरिकाबीच तनाव चुलिँदै गएपछि मध्यपूर्वमा रहेका नेपालीको अवस्थबारे सरकारले चासो देखाएको हो ।

    मंगलबार आयोजना गरिएको पत्रकार सम्मेलनमा सरकारले इराकमा रहेका नेपालीलाई उद्धारको तयारी गरेको जनाएको छ । सोहि सम्मेलनमार्फत इराकमा रहेका नेपालीलाई ‘रेस्क्यु’ गर्ने योजना बनाइरहेको श्रम रोजगार तथा सामाजिक सुरक्षा मन्त्री रामेश्वर राय यादवले बताएका छन्।

    उनका अनुसार परराष्ट्र मन्त्रालयको अगुवाइमा ‘एक्टिभ’ टोली बनाउने र पलपलको खबर राख्ने योजना सरकारले बनाएको छ।

    यता, श्रम तथा सामाजिक सुरक्षा मन्त्रालयका सचिव विनोद केसीले इराकमा रहेका नेपालीको तथ्यांक संकलन कार्य भइरहेको बताएका छन्। सरकारले नेपाली नागरिकलाई इराक जान प्रतिबन्ध लगाएको छ। इराकमा अवैध तरिकाले नेपाली पुग्ने गरेका छन्।

    अवैध तरिकाले नेपाली इराक जाने गरेकाले यसबारेमा सरकारसँग एकिन तथ्यांक छैन। ‘इराकमा कति व्यक्ति छन्, परराष्ट्र मन्त्रालयमार्फत डाटा संकलन हुँदैछ’ उनले भने ‘ दुई मन्त्रालयबीच अस्तिमात्रै छलफल भएको थियो, स्टाटस लिने काम हुदैछ।’ परराष्ट्रसँग ‘कनेडिनेसन’ गरेर इराकमा रहेका नेपाली नागरिकलाई सुरक्षित राख्न केन्द्रित भएको बताए।

    यसअघि दुई शक्ति राष्ट्रबीचको तनाव युद्धको अवस्थामा पुगेपछि परराष्ट्र मन्त्रालयले खाडी तथा मध्यपूर्वी क्षेत्रमा रहेका नेपालीको अवस्थाबारे सम्पूर्ण जानकारी लिन त्यहाँस्थित राजदूतावासलाई निर्देशन दिएको थियो। परराष्ट्र प्रवक्ता भरतराज पौड्यालका अनुसार इरान र इराकसहित सबै मध्यपूर्वी तथा खाडी मुलुकमा रहेका नेपालीको अवस्थाबारे यथोचित जानकारी बटुल्न राजदूतावासलाई निर्देशन दिइएको छ।

    पौड्यालले दूतावास नभएका मुलुक हेर्ने निकायलाई त्यहाँ कार्यरत नेपालीसँग सम्पर्क रहन पनि भनिएको जानकारी दिए। आइतबार परराष्ट्रमन्त्री प्रदीपकुमार ज्ञवाली र श्रम तथा रोजगारमन्त्री रामेश्वर राय यादवसहितको बैठक पनि बसेको थियो। उक्त बैठकले खाडीका सबै राजदूतावासलाई त्यहाँस्थित सबै नेपालीसँग नजिकबाट सम्पर्कमा रहन भनेको छ।

    प्रतिकृया दिनुहोस्

    यि हुन् मंगलवारको मन्त्रिपरिषद् बैठकले गरेका ८ निर्णय

    काठमाडौं। प्रधानमन्त्री निवास बालुवाटारमा मंगलबार बसेको मन्त्रिपरिषद बैठकले विभिन्न ८ वटा निर्णयहरु गरेको छ ।...

    शिक्षक सेवा आयोगको अध्यक्षमा मधुप्रसाद रेग्मी नियुक्त

    काठमाडौं । शिक्षक सेवा आयोगको अध्यक्षमा मधुप्रसाद रेग्मी नियुक्त भएका छन् । बुधबार बसेको मन्त्रिपरिषद्...

    माधव नेपाल र प्रचण्डबीच भेटवार्ता

    नेकपा एमालेका वरिष्ठ नेता माधवकुमार नेपाललाई भेट्न नेकपा माओवादी केन्द्रका अध्यक्ष पुष्पकमल दाहाल कोटेश्वर पुगेका...

    अनलाइन शिक्षणसम्बन्धी तालिम माग गरेमा विद्यालयलाई सोझै दिने सरकारी तयारी

      – १० लाख ९३ हजार बालबालिका अनलाइन कक्षामा – इच्छाशक्ति भएका सामुदायिक विद्यालयहरुले अनलाइनबाटै...

    भूवन र दीपाश्रीको सम्बन्ध चिसिएको चर्चा हल्ला मात्रै !

    सर्वाधिक ग्रस कमाई गर्न सफल चलचित्र ‘छक्का पन्जा’का ३ वटै सिरिजका कारण निर्देशक दीपाश्री निरौला...