News Portal

  • भक्तपुरका ३ स्वास्थ्य संस्थाहरुलाई समेटेर एउटा स्वास्थ्य प्रतिष्ठान बनाउन माग

    राजेशमान मानन्धर / भक्तपुर पोस्ट भक्तपुर, १९ पुस २०७८
    १४७७ पटक
    भक्तपुर, १९ पुस २०७८

    भक्तपुर अस्पतालकी मेडिकल सुपरिटेण्डेण्ट डा सुमित्रा गौतमले एकै प्रांगणमा रहेका जिल्लास्थित ३ ठुला सरकारी स्वास्थ्य संस्था एकै छातामुनी आउनुपर्ने बताएकी छन् । छरिएर सेवा प्रवाह गर्दा समस्या भएको भन्दै उनले सो आवश्यकता औल्याएकी हुन् ।

    आइतवार जिल्ला प्रशासन कार्यालयमा आयोजित सेवाग्राहीलाई नि: शुल्क स्वास्थ्य जाँच र सचेताना कार्यक्रममा बोल्दै मेडिकल सुपरिटेण्डेण्ट डा गौतमले जिल्लास्थित ३ प्रमुख सरकारी स्वास्थ्य संस्थाहरु भक्तपुर अस्पताल, भक्तपुर क्यान्सर अस्पताल र शहिद धर्मभक्त राष्ट्रिय प्रत्यारोपण केन्द्रलाई एउटा स्वास्थ्य प्रतिष्ठान बनाएर अघि बढ्नुपर्ने प्रष्ट पारिन् । उनले जिल्लाको स्वास्थ्य सेवालाई थप प्रभावकारी बनाउन एकै ठाउँमा रहेका यी तीनै वटा स्वास्थ्य सस्थालाई समेटेर एक स्वास्थ्य प्रतिष्ठान बनाउनुपर्नेमा जोड दिएकी हुन् ।

    स्वास्थ्य प्रतिष्ठान बनाएर सेवा प्रवाह गर्दा जनशक्तिको समस्या नहुने र साधनस्रोतको हिसावले समेत सुविधा सम्पन्न बन्न सकिने उनले बताइन । हाल भक्तपुर अस्पतालको नाममा रहेको जमिनमा तीनै अस्पताल अटाउनुपर्दा सेवामा संकुचन भएको उनको भनाइ छ । देशकै ७७ जिल्लामै नभएको तीन फरक सेवाका स्वास्थ्य स्वास्थालाई एउटै प्रतिष्ठान बनाउने अवसर भक्तपुरमा भएको भन्दै उनले सिडिओ, राजनीतिक दलका प्रतिनिधि र पत्रकार लगायत नागरिक समाजले समेत यसको पहल लिनुपर्ने बताइन ।

    भक्तपुर अस्पतालले ११७ वर्ष पछि काचुली फेरेको र अहिले ३६ वटा आइसीयु सहित सेवाप्रवाह गरिरहेको उनले जानकारी गराइन । ग्यास्ट्रिक, छाती रोग, आँखा रोग, अल्जाइमर्स लगायतको सेवामा सुपर स्पेसल सेवा समेत शुरु गरिएको भन्दै उनले उपचार नपाएर काठमाडौ जानुपर्ने अवस्था अन्त्य भएको जिकिर गरिन । भक्तपुर अस्पतालमा २ घण्टामा रगतको रिपोर्ट सिस्टम बिकास भैसकेको भन्दै उनले रिपोर्ट मोबाइलमै आउने व्यवस्था बनाईएको समेत जानकारी गराइन ।

    पछिल्लो समय दैनिक ८ सय बिरामी ओपोडिमा आइरहेका जानकारी दिंदै उनले पैसा तिर्न सक्ने वर्गलाई लक्षित गरी दिउसो ३ बजे पछि र बिहान ९ बजे अघि पेइङ्ग क्लिनिक संचालन गरिरहेको समेत बताएकी छन् । दिउसोको भीड नचाहनेले सो समयमा पैसा तिरेर सेवा लिन सक्ने व्यवस्था मिलाइएको उनले बताइन ।

     अस्पतालमा विस्तार गर्नुपर्ने सेवामा ९९ प्रतिसत पुरा भएको भन्दै उनले भक्तपुर अस्पताललाई सेकेण्डरी वीर अस्पताल भन्दा फरक नपर्ने दावी समेत गरिन ।

    उक्त अवसरमा सिडिओ रुद्रादेवी शर्मा, जिसस उप प्रमुख सरिता कुँवर,भक्तपुर क्यान्सर अस्पतालका प्रमुख कार्यकारी निर्देशक प्रा. डा. विष्णुदत्त पौडेल, शहिद धर्मभक्त राष्ट्रिय प्रत्यारोपण केन्द्रकी डा. कल्पना श्रेष्ठ, नेकपा(एमाले)का अध्यक्ष बचन देउजा, नेमकिपाका अध्यक्ष न्हुछेभक्त फोजू,नेपाली काँग्रेसका प्रतिनिधि जीवन खत्री, नेकपा माओवादी (केन्द्र)का प्रतिनिधि सुनिल गोठे बासु, नेपाल पत्रकार महासंघका अध्यक्ष जगतकृष्ण प्रजापति, भक्तपुर बारका अध्यक्ष रविन्द्र प्रधान त्यसैगरी इन्द्रबक्स गणका गणपती श्यामराजा बिक्रम थापा, भक्तपुर प्रहरी प्रमुख एसपी शिवकुमार श्रेष्ठ, शसस्त्र एसपी उद्धवबहादुर न्यौपाने लगायतको उपस्थिति रहेको थियो ।

    यो पनि

    जिप्रका भक्तपुरमा सेवाग्राहीलाई स्वास्थ्य सम्बन्धी सचेतना कार्यक्रम

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...