भारतका पूर्व प्रधानमंत्री अटल बिहारी वाजपेयीको निधन भएको छ । भारतीय जनता पार्टीका ९३ वर्षीय संस्थापक नेता वाजपेयीको बिहीवार निधन भएको हो ।

मृगौला तथा मुत्र लगायत रोगको शिकार भएका वाजपेयी पछिल्लो समय भारतीय आयुर्विज्ञान संस्थान, दिल्ली (एम्स) मा भर्ना भएका थिए । अस्पतालले उनको देहान्त भएको बिज्ञप्ती मार्फत जानकारी गराएको छ ।

आज करीव ५ बजे उनको देहान्त भएपछि भारतमा शोक छाएको छ । उनको सम्मानमा ७ दिन राष्ट्रिय शोकको घोषणा गरिएको छ । उनी  तीन पटक सम्म देशको कार्यकारी प्रमुख बन्न सफल भएका थिए ।