३० फागुन २०७६एजेन्सी । भारतमा पनि कोरोनाभाइरस सङ्क्रमणका कारण एक व्यक्तिको मृत्यु भएको छ । दक्षिण भारतको कर्नाटक राज्यका एक ७६ वर्षीय पुरुषको कोरोना भाइरसको कारण मृत्यु भएको पुष्टि भएको हो ।
उनी साउदी अरबमा एक महिना बसेर फेब्रुअरी २९ मा स्वदेश फर्किएका थिए।राज्यका स्वास्थ्यमन्त्रीका अनुसार ती व्यक्तिको सम्पर्कमा आएका सबै मानिस पत्ता लगाउने र तिनलाई क्वारन्टीनमा राख्ने प्रयास भइरहेको छ।
भारतमा अहिलेसम्म ७३ जनामा कोरोनाभाइरस सङ्क्रमण भएको पुष्टि भएको सरकारले जनाएको छ। ती वृद्धको मृत्यु मङ्गलवार भएको थियो। तर उनको परीक्षणको प्रतिवेदन बिहीवार सार्वजनिक गरिएको थियो ।
भारतीय अधिकारीहरूका अनुसार साउदी अरबबाट फर्किँदा विमानस्थलमा उनलाई जाँचिएको थियो। तर त्यति बेला उनमा कोभिड-१९ का कुनै लक्षण देखिएको थिएन।तर एक हप्तापछि अर्थात् मार्च ५ मा उनमा श्वासप्रश्वाससम्बन्धी समस्या देखिएपछि अस्पताल लागिएको थियो ।
कोरोना भाइरसको प्रकोप फैलिएपछि अमेरिकाले रक्षा मन्त्रीको भारत भ्रमण पनि रद्द गरेको छ । रक्षा मन्त्रीले भ्रमण रद्द गरेको मन्त्रालयलाई उधृत गर्दै अन्तर्राष्ट्रिय सञ्चारमाध्यामले उल्लेख गरेका छन् ।
अमेरिकी रक्षा मन्त्री मार्क स्पेयरको १५–१६ मार्चमा भारत आउने कार्यक्रम थियो ।
