बरिष्ठ संगीतकार एवं गायक प्रेमध्वज प्रधानको निधन भएको छ । ८२ वर्षको उमेरमा उनको निधन भएको हो ।

सास फेर्न गाह्रो भएको र छातीमा समस्या देखिएपछि  उनलाई बसुन्धरास्थित न्यूरो अस्पतालमा पुर्याइएको थियो । उपचारका क्रममा आज बिहिबार बिहान उनको निधन भएको परिवारिक स्रोतले जनाएको छ  ।

भक्तपुरको भोलाछेंमा कूल घर भई सिन्धुपाल्चोकको चौतारामा जन्मिएका ८२ वर्षीय प्रधानका परलैजाउ फूलहरु , घुम्तीमा नआउ है‘, तिमीलाई अचेल कहाँ देखुँ, गोरेँटो यो गाउँको … जस्ता चर्चित गीतहरु रहेका छन् ।आफ्नो समयका निक्कै चर्चित र स्टाईलिस गायक प्रधानका गीतहरू आज पनि निकै रुचिपूर्वक सुन्ने गरिन्छ ।