दिनेश खनाल चाँगुनारायण, १२ साउन २०८०
चाँगुनारायण, १२ साउन २०८० संसारलाई लोभ्याउने चाँगुका यी डाँडो,
मनमोहक बन्ने छन् झुल्दै एबोकाडो।
अव्यवस्थित प्लानिङ अनि भट्टा बालुवाखानी,
क्षणिक लाभमा भुल्यौं हामी जानीजानी।
जग्गा जमिन नाङ्गो पाखो, पारौं हरियो चाडो,
स्वच्छ हावा,राम्रो कमाई ल्याउँछ एबोकाडो।।
चाँगु,झौखेल,दुवाकोट छालिङ बागेश्वरी,
ताँथली र सुडाल अनि नगरकोटभरी,
आर्थिक क्रान्ति गर्नलाई अभियान आयो
हरेक घरमा दुईदुई बोट लगाउँ एबोकाडो।
दुखसुख चाडपर्ब खल्ती खाली हुँदा,
चाडपर्वमा अभाव झेल्दै लालाबाला रुँदा।
सबको असल बन्नसक्छ एबोकाडो साथी,
हाम्रो आर्थिक अवस्थालाई लान्छ माथिमाथि ।।
सुरुवात धेरै राम्रो अभियान हाम्रो
एक घर दुई बिरुवा, आहा कति राम्रो।
रित्तोरित्तो खालिखाली घरघरका भाँडो,
भर्न सफल पार्नुपर्छ अभियान एबोकाडो ।।
“जय एबोकाडो ! जय एबोकाडो !! ”
(दिनेश खनाल चाँगुनारायण सिटी, एबोकाडो सिटी अभियानका अभियन्ता हुन् ।)