News Portal

  • दाहाललाई ५१ हजारको साहित्यिक पुरस्कार

    अनलाइनपर्दा संवाददाता
    १३९४ पटक

    भद्रपुर, २७ पुस । लेखनाथ पुस्तकालय, चन्द्रगढी, झापाले १३४ औँ कविशिरोमणि लेखनाथ पौड्यालको जन्मजयन्तीको अवसर पारेर एकजना विद्यार्थीसहित पाँचजना साहित्यिक स्रष्टालाई सम्मानसहित पुरस्कृत गरेको छ ।

    झापाको चन्द्रगढीमा बुधबार आयोजित कार्यक्रममा श्रीप्रसाद ओली स्मृति साहित्य सम्मान पुरस्कारबाट साहित्य अनुरागी मित्रप्रसाद दाहाललाई नगद ५१ हजार १११ सहित सम्मान गरिएको हो ।

    यसैगरी, विभिन्न विधामा उत्कृष्ट स्रष्टालाई उक्त कार्यक्रममा पुरस्कृत तथा सम्मान गरिएको थियो । श्यामकृष्ण कामाक्ष साहित्य सम्मान शान्ता गौतमलाई र वीरेन्द्र मावि, चन्द्रगढीमा कक्षा ९ मा अध्ययनरत छात्रा अनुषा बस्नेतलाई प्रदान गरिएको थियो भने भक्तकिरण साहित्य सम्मानबाट कृष्ण अनमोललाई सम्मानसहित पुरस्कृत गरिएको थियो ।

    यसैबीच, जिल्लास्तरीय छन्दोवद्ध कवि सम्मानबाट आनन्दप्रसाद घिमिरेलगायतलाई सम्मानसहित पुरस्कृत गर्दै प्रतियोगितात्मक कविता वाचन कार्यक्रममा विजयी कविलाई समेत नगदसहित प्रशंसापत्र र दोसल्ला ओडाएर सम्मान गरिएको थियो ।

    पुस्तकालयका अध्यक्ष नवराज घिमिरेको अध्यक्षता तथा प्राज्ञ दधिराज सुवेदीको प्रमुख आतिथ्यमा सम्पन्न कार्यक्रममा उपस्थित साहित्यकारले साहित्यिक प्रवचनसमेत प्रस्तुत गर्नुभएको थियो ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...