उत्तर कोरियाका शक्तिशाली शाशक किम जोंग उन चीन पुगेको खवर छ । जापानी मीडियाका अनुसार उन स्पेशल ट्रेन चढेर चीन पुगेका हुन् ।

एक ट्रेन उत्तर कोरियाका वरिष्ठ अधिकारीहरु लाई लिएर  बेइजिङ्ग गएको र त्यसमा किम पनि भएको ब्लूमबर्ग मीडियाले दावी गरेको छ ।

किमका बारेमा कहावत छ कि उनले जहिलेदेखि सत्ता सम्हाले तहिलेदेखि देश बाहिर कदम राखेका छैनन् । जापानी मीडियाको दावीलाई मान्ने हो भने यो चीन भ्रमण उनले किन गरे चासोको बिषय बनेको छ ।

किम जोंग उनले ७ बर्ष अगाडी उत्तर कोरियाको शासन सत्ता सम्हाले यता उनको यो पहिलो विदेश यात्रा भएको छ र उनले किन चीन पस्नु पर्यो दुनिया चकित परेको छ ।

त्यसो त चीनलाई उत्तर कोरियाको एक मात्र भरपर्दो मित्रराष्ट्र मानिन्छ । अहिले अमेरीका संगको मौखिक जंग भएपनि हकिकतमा के गर्ने भन्ने सल्लाह लिन उनी गएको चर्चा चलेको छ । चीनसंग परमाणु लगायत धेरै मुद्दामा छलफल पनि  हुन सक्छ ।

अमेरिकी राष्ट्रपति डोनाल्ड ट्रंप र किम जोंग एक-अर्कालाई खतम गरिदिने लगातार धम्कि दिदै आएका छन् । पछिल्लो समय ट्रंपले यहि महिना उत्तर कोरियाको भ्रमण गरेर सम्बन्ध सुधार्ने रणनीति लिएका छन् । यसैबीच भएको किमको चीन भ्रमणबाट उत्तर कोरियाको आगामी कार्यदिशा तय हुने अनुमान गरिएको छ ।

यद्यपी अहिलेसम्म उनको चीन यात्रालाइ लिएर उत्तर कोरिया , चीन वा अमेरिकाको तर्फबाट कुनै पुष्टि वा धारणा बाहिर आएको भने छैन ।