इभक्तपुर संवाददाता
विटु केसीद्वारा लिखित मुक्तक संग्रह ‘मायाको मात’ सार्वजनिक भएको छ । आज राजधानीको हार्दिक होटलमा एक कार्यक्रमका बीच ‘मायाको मात’ सार्वजनिक भएको हो ।
प्रमुख अतिथि नेपाल प्रज्ञा प्रतिष्ठानका उपकुलपति श्री विष्णु विभु घिमिरे रहेका उक्त कार्यक्रमको आयोजना नेपाल मुक्तक प्रतिष्ठानले गरेको हो ।
कार्यक्रममा शरतचन्द्र वस्तीले शुभकामना मन्तव्य दिने क्रममा संग्रहको नाम मायाको मात अनि मुक्तक तीनओटै अक्षर म बाट सुरु भएको अत्यन्त सान्दर्भिक रहेको र बालकले जन्म लिएपछि पनि सबैभन्दा पहिला म कै उच्चारण गर्ने हुँदा म शब्द अत्यन्त लोकप्रिय र विशेष शब्दमा जोडिने जिकिर गर्दै यो मायाको मात मुक्तक संग्रहले पाठकको मन जित्ने विश्वास व्यक्त गरेका थिए ।
प्रा. लक्ष्मणप्रसाद गौतम प्रमुख वक्ता रहेका उक्त कार्यक्रमको सभापतित्व प्रतिष्ठानका अध्यक्ष रामकाजी कोनेले गरेका थिए ।