News Portal

  • अमेरिकी राष्ट्रपति ट्रम्प र उत्तर कोरियाका नेता किमको सुरक्षा जिम्मा गोर्खाको काँधमा

    काठमाडौँ, २३ जेठ
    १११८ पटक
    काठमाडौँ, २३ जेठ

    अमेरिकी राष्ट्रपति डोनाल्ड ट्रम्प र उत्तर कोरियाका नेता किम जोङ्ग उनबीच अर्को साता सिङ्गापुरमा हुने ऐतिहासिक सम्मेलन क्षेत्रको सुरक्षा सिङ्गापुर प्रहरीमा कार्यरत गोर्खाहरूले सम्हाल्ने भएका छन् ।

    जेठ २९ गतेका लागि तय भएको सम्मेलनमा सहभागी हुन आउँदा दुबै नेताले आ–आफ्नै सुरक्षा दस्ता ल्याउने भए पनि सम्मेलन स्थल, सडक र होटलको सुरक्षा गोर्खाहरूले गर्ने त्यहाँको भिआईपी सुरक्षाका जानकार एक कुटनीतिज्ञलाई उद्धृत गर्दै रोयटर समाचार संस्थाले समाचार दिएको छ ।

    सिङ्गापुरमा धेरै कम मात्रामा देखिने गोरखालीहरू केही दिन अघि मात्रै भएको ‘साँग्रीला डायलग’ कार्यक्रममा समेत सुरक्षाका लागि तैनाथ भएका थिए । सम्मेलनमा भारतीय प्रधानमन्त्री नरेन्द्र मोदी तथा अमेरिकी रक्षामन्त्री जेम्स माथीस र त्यस क्षेत्रका अन्य मन्त्रीहरू समेत उपस्थित थिए ।

    नेपालमा छनोट गरी सिङ्गापुर प्रहरीमा कार्यरत नेपाली गोरखाहरू बडी आर्मर तथा बेल्जियमा बनेको एफएन एससीएआर कम्व्याट एसल्ट राइफल, पिस्तोलसहित तैनाथ गरिने जनाइएको छ ।सबै आधुनिक हातहतियारले सुसज्जित भए पनि गोर्खाहरू भने आफ्नो साथमा खुकुरी नबोकी कुनै युद्धमा जाँदैनन् । त्यो धारिलो र ओजनदार खुकुरी सधैं उनीहरूको रोजाइमा पर्छ । सिङ्गापुरको इन्टरनेशनल इन्ष्ट्च्यिूट फर स्ट्याटिजिक स्ट्डिज सिङ्गापुरका आर्म फोर्स विज्ञ टिम हुक्स्ली भन्छन्, “उनीहरू सिङ्गापुरले उपलब्ध गराउन सक्ने उत्कृट दस्ता हुन ।”

    उनले भने, “गोर्खाहरु निकै उत्कृष्ट छन । उनीहरु अग्रपंक्तिमा रह्ने फौज हुन् र यस्ता विशेष कारवाहीका लागि गोरखाहरू तालिम प्राप्त छन् ।” तर सिङ्गापुर प्रहरीका प्रवक्ताले भने गोरखाको परिचालन र उनीहरूको संख्याका बारेमा बताउन चाहेनन् ।

    इन्टरनेशनल इन्ष्टिच्युट फर स्ट्याटिजिक स्टडीज सिङ्गापुरका अनुसार त्यहाँका छ वटा अर्ध सैनिक कम्पनीमा झण्डै १८ सय गोरखा कार्यरत रहेको अन्तरास्ट्रिय समाचार एजेन्सी रोयटरले जनाएको छ ।

    प्रतिकृया दिनुहोस्

    घिमिरे गाउँमा भेटिएको शवको पहिचान, हत्या आरोपमा सुडालका एकसहित २ जना सार्वजनिक

    भक्तपुरको सीमाना संगै जोडिएको काभ्रेको बनेपा १ स्थित घिमिरे गाउँमा आइतवार बिहान मृत अवस्थामा भेटिएका...

    आज बर्षाको सम्भावना

    नेपाल र भारतको बिहार त्था पश्चिम बंगाल आसपासको क्षेत्रमा रहेको न्यूनचापीय क्षेत्रको प्रभावले सोमबार देशभर...

    बेरोजगार उत्पादन गर्ने शिक्षा आवश्यक छैन : विप्लव

    नेपाल कम्युनिष्ट पार्टीका महासचिव विप्लव सीले बेरोजगार उत्पादन गर्ने शिक्षा आवश्यक नरहेको बताएका छन् ।...

    शिक्षकले राजनीति गर्न पाउनुपर्छ र एसईई पनि हटाउनु हुँदैन : प्रेम सुवाल

    prem suwal

    भक्तपुर १ का प्रतिनिधि सभा सदस्य प्रेम सुवालले शिक्षा बिधेयकमा उल्लेख शिक्षकले राजनीति गर्न नपाउने...

    प्रधानमन्त्रीको चीन भ्रमणले समृद्धिका लागि सम्भावनाको नयाँ ढोका खोल्यो : माओवादी केन्द्र

    नेकपा (माओवादी केन्द्र)ले पार्टी अध्यक्ष एवं प्रधानमन्त्री पुष्पकमल दाहाल ‘प्रचण्ड’को चीन भ्रमणले विश्वासको वातावरण बनाउँदै...