काठमाडौं, २८ भदाैसंयुक्त राज्य अमेरिकाले आफ्नो तीन राज्यमा आपतकालीन स्थितिको घोषणा गरेको छ । आँधीबेहरी आउनु अगावै सम्भावीत क्षतीबाट आत्तिएको अमेरिकाले आपतकालीन स्थितिको घोषणा गरेको हो ।
बिहीबार साँझ वा शुक्रबार बिहानसम्ममा फ्लोरेन्स नामक शक्तिशाली आँधीबेहरीले दक्षिण पूर्वी क्षेत्रमा तहसनहस पार्ने मौसमविदहरुको निष्कर्ष निकालेपछि त्यस क्षेत्रमा संकटकाल घोषणा गरिएको त्यहाँका संचारमाध्यमहरुले जनाएका छन् ।
आँधीबेहरीका कारण अमेरिकाको नर्थ क्यारोलिना, साउथ क्यारोलिना र भर्जिनियामा अकल्पनीय दुर्घटना हुनसक्ने बताइएको छ । २ सय १५ किमी प्रतिघन्टाको गति हुने अनुमान गरिएको यस आधीहुरीले बिजुलीका खम्बा ढाल्ने , तार छिन्नभिन्न बनाउने, आगलागी गराउने र तटमा १३ फुट अग्लो छाल गराइ सामुन्द्रिक तटमा ब्यापक क्षती पुर्याउने अनुमान छ ।
तटीय क्षेत्रमा बस्दै आएका करीव २० लाख मानिसहरु यसबाट प्रत्यक्ष प्रभावीत हुने भन्दै सरकारले सुरक्षित स्थानमा सार्नेक्रम जारी राखेको छ भने त्यहाँ उच्च सतर्कता अपनाइएको दावी गरिएको छ ।
यस्तो खतरनाक आँधीहुरी यस अघि करीब २० बर्ष अगाडी पनि आएको बताइएको छ ।