भक्तपुर, ३ असोजभक्तपुरको सूर्यविनायकस्थित एक पार्टी भेन्युमा आज एकैसाथ दुई पुस्तक सार्वजनिक गरिएको छ । भक्तपुरको इतिहास झल्काउने ‘अलकापुरी भक्तपुर’ र ‘भक्तपुर दरबारका मल्लकालीन भारदारहरु’ नामक दुई पुस्तक एकैसाथ सार्वजनिक गरिएको हो ।
पत्रकारसमेत रहेका साहित्यकार एवं लेखक जितेन्द्र श्रेष्ठ ‘रसिक’ को आठौं कृति ‘अलकापुरी भक्तपुर’ र संस्कृतविद् ओम धौभडेलको भक्तपुर ‘दरबारका मल्लकालीन भारदारहरु’को आज एक बिशेष समारोहका बीच बिमोचन गरिएको थियो । पुरातत्व विभागका महानिर्देशक डा भेषनारायण दाहाल र साहित्यकार एवं संस्कृतकर्मी तेजेश्वरबाबु ग्वङ्ग लगायतले पुस्तक विमोचन गरेका थिए ।
उक्त अवसरमा प्राज्ञ मात्रिका पोखरेल, प्राध्यापक डाक्टर भगवानचन्द्र ज्ञवाली, बरिष्ठ साहित्यकार माया ठकुरी लगायत साहित्य क्षेत्रका बिशिष्ठ व्यक्तित्वहरुको उपस्थिति रहेको थियो ।
कार्यक्रममा बक्ताहरुले बिमोजित दुवै पुस्तकले भक्तपुरको प्राचिनता बोकेको बताउदै भक्तपुरको इतिहास बुझ्न खोज्नेहरुका लागि एेना सावित हुने दावी गरेका थिए ।
स्वदेश प्रकाशन र भक्तपुर साहित्यिक समाजद्वारा संयुक्तरुपमा आयोजित पुस्तक बिमोचन कार्यक्रममा लेखक द्वय रसिक र धौभडेलले पुस्तकमार्फत भक्तपुरलाई चिनाउन प्रयास गरिएको बताए ।
