अफगानिस्तानको राजधानी काबुलमा एक बिबाह समारोह हुँदै गर्दा बम विष्फोट भएपछि ५० बढी मानिसको मृत्यु भएको छ । शनिबार राति करिव पौने ११ बजेको समयमा बम बिस्फोट हुँदा उक्त हताहती भएको हो ।

विवाह चलिरहेको हलमा आत्मघाती बम बिष्फोट गरिएको स्थानीय संचारमाध्यमले जनाएका छन् । १ सय ५० बढी मानिस घटनामा परि घाइते भएका र उनीहरुको स्थानीय अस्पतालमा उपचार भैरहेको बताइएको छ ।

स्थानीय संचारमाध्यमले प्रत्यक्षदर्शीको हवाला दिंदै भनेको छ कि शेर-ए-दुबई वेडिंग हलमा ठूलो धमाका भयो । जब उनीहरु बाहिर आए धुआंको मुस्लो निस्किरहेको थियो र लाश यत्रतत्र छरिएको थियो । धेरै मानिस घायल अवस्थामा रोइरहेका थिए।

घटनाको जिम्मेवारी कसैले लिएको छैन । उक्त इलाकामा अल्पसंख्यक शिया हजारा मुसलमानको बाहुल्य रहेको छ ।