चीनमा कम्युनिष्ट शासनको आज ७० वर्ष पूरा भएको छ । १ अक्टोबर १९४९ मा चीनमा कम्युनिष्ट शासनको घोषणा गरिएको थियो ।

माओको नेतृत्वमा रहेको कम्युनिष्ट पार्टीले जनयुद्ध मार्फत तत्कालिन सत्तारुढ़ पार्टी कुमिन्ताङलाई पराजित गरेपछि सन् १९४९ मा आजकै दिन माओले पिपुल्स रिपब्लिक अफ चीन (पिआरसी) घोषणा गरेका थिए ।

यो नयाँ चीन( पिपुल्स रिपब्लिक अफ चीन ) स्थापना भएको दिनलाई चीनले राष्ट्रिय दिवसका रुपमा विशेष कार्यक्रम गरी मनाउदै आएको छ । आज चीनले तियानमेन स्क्वायरमा १५ हजार सेनालाई परेड खेलाउने र आफ्नो शैन्य शक्ति प्रदर्शन गर्ने कार्यक्रम तय गरेको छ ।

चिनियाँ कम्युनिष्ट पार्टीको स्थापना सन् १९२१ मा भएको थियो । यसको सदस्य संख्या ९ करोड बढी रहेको छ । कम्युनिष्ट शासनसंगै आर्थिक र भौतिक लगायत सबै क्षेत्रमा उच्च प्रगती गरेको चीनमा कम्युनिष्ट शासन स्थापना दिवसको विशेष महत्व छ ।