भिजिट नेपाल २०२० लाई सफल पार्न सरकारले भिजिट नेपालको गीत रचना गर्न आह्वान गरेको छ । भिजिट नेपाल सचिवालयले १० दिने सूचना प्रकाशन गरी जानकारी दिएको हो ।

गीत-संगीतको माध्यमबाट नेपालमा रहेका पर्यटकीयस्थलको प्रचारप्रसार गर्दा बढी प्रभावकारी हुने भएकोले सचिवालयले सार्वजनिक आहृवान गरेको जनाएको छ । सचिवालयको जानकारी अनुसार गीतमा प्रयोग हुने शब्दहरुले नेपालको बहुपक्षीय सुन्दरता तथा सिंगो नेपालको कला, संस्कृति, धर्म, रहनसहन, आतिथ्यता तथा प्राकृतिक सौन्दर्यता झल्काउने हुनुपर्छ ।

भिजिट नेपालको लागि तयार पारिएका गीत सचिवालयको केशरमहलस्थित कार्यालयमा वा इमेलमार्फत १० दिनभित्र पठाउन सकिन्छ । १० दिनभित्र प्राप्त गीतहरु छनोट गरी उत्कृष्ट गीतलाई उपयुक्त पुरस्कार दिने सचिवालयले जानकारी दिए ।