भक्तपुर, २० मङ्सिरभारतीय प्रहरीले सामुहिक बलात्कार गर्ने चार जनाको ईनकाउन्टर गरेका छन् । भारतको हैदराबादमा भएको उक्त घटनाका आरोपीहरुलाई गोली हानी मरेको हो । उनीहरु बिहिबार प्रहरीको कारवाहीमा नेसनल हाइवे ४४ मा मारिएका हुन् ।
आरोपीहरूलाई एनएच–४४ मा अपराधको दृष्य ‘रि–क्रियट’ गर्न लगाउँदा भाग्ने प्रयास गरेको र गोली हानिएको प्रहरीको दाबी छ । तर, सञ्चारमाध्यमले भने उनीहरूलाई प्रहरी नियन्त्रणमै गोली हानिएको जनाएका छन् ।
महिला डाक्टरलाई सामुहिक बलत्कारपछि जलाएर मारेका थिए । यो घटना गएको २७ नोभेम्बरको राति हैदराबादमा घटेको थियो । डाक्टरको स्कुटर पंचर गरेरे उनलाई अपराधीको जालमा परेका थिए ।
सोहि घटनाका चार आरोपीहरूलाई प्रहरीले पक्राउ गरेको थियो । उनीहरूलाई अदालतले १४ दिन न्यायिक हिरासतमा पठाएका थिए । हैदरावाद प्रहरीको मागलाई ध्यानमा राखेर सात दिन प्रहरी हिरासतमा पठाईएका आरोपीहरुलाई घटनास्थलमा लगेर हत्या गरेको हो ।