भक्तपुर, २ पुसन्युजिल्याण्डको ह्वाइट टापुमा मंसिर २३ गते ज्वालामुखी विस्फोट भएको थियो । सो विस्फोटमा परेर हाल सम्म १८ जनाले ज्यान गुमाई सकेको छ ।
मंगलबार सबै पीडितको पहिचान भएको स्थानीय अधिकारीले जानकारी दिए । हराएका दुई व्यक्तिलाई मृत घोषणा गरिएको उनले बताए । प्रहरीले १७ जनाको नाम सार्वजनिक गरेको रिर्पोट छ । तर अष्ट्रेलियाको अस्पतालमा ज्यान गुमाएका एक व्यक्तिको पहिचान खुल्न सकेको छैन।
विस्फोटमा हराएका दुई व्यक्तिमध्ये एक १७ वर्षीय अस्ट्रेलियाका नागरिक विनोना लैंगफोर्ड र ४० वर्षीय स्थानीय टुर गाइड हेडन मार्सल इनमैन रहेका छन् ।
प्रहरीको टिमले इगल हेलिकप्टरको सहयोगमा मंगलबार ती दुई व्यक्तिलाई खोज्न तंगुवाका खाडीमा खोजी अभियान जारी गरेको छ । पहिचान गरिएका १७ जनामध्ये २ न्युजिल्याण्डका, १२ अष्ट्रेलिका र अन्य ३ अमेरिकी नागरिक रहेको प्रहरीले जनाएको छ ।
अहिले न्युजिल्याण्डको अस्पतालमा भर्ना भएका करिब १४ व्यक्ति गम्भीर रुपमा जलेका छन् । अन्य १२ जना अस्ट्रेलियामा मृत्युसँग लडिरहेका छन् । विस्फोट भएको समयमा सो ठाउँमा ४७ जना मानिस थिए । तीमध्ये २४ अष्ट्रेलियाका, ९ अमेरिकी, ५ न्युजिल्याण्ड, ४ जर्मनी, २ ब्रिटेन र अन्य २ चिनियाँ र १ मलेसियाका नागरिक थिए ।