News Portal

  • मुसर्रफको शवलाई ३ दिनसम्म झुन्ड्याउन अदालतको आदेश

    १०२५ पटक

    पाकिस्तानका पूर्व सैनिक शासक जनरल परवेज मुसर्रफलाई अदालतले कडा मृत्युदण्डको आदेश दिएको कुरा सार्वजनिक भएको छ । अदालतले आफ्नो आदेशमा यादि मृत्युदण्डको फैसला कार्यान्वयन हुनुअघि मुसर्रफको मृत्यु भएमा उनको शवलाई ३ दिनसम्म झुन्ड्याउन भनेको छ ।

    त्यतिमात्र होइन, मृत्युदण्डको फैसला कार्यान्वयन हुनुअघि मुसर्रफको मृत्यु भएमा उनको शवलाई घिसार्दै ल्याउन आदेश गरिएको छ । मंगलबार उनलाई गम्भीर देशद्रोहको आरोपमा मृत्युदण्ड सुनाएको पाकिस्ताको विशेष अदालतले बिहीबार त्यसको पूर्ण पाठ जारी गर्दै सो आदेश दिएको अन्तर्रा्ष्ट्रिय समाचार माध्यामहरुले सार्वजनिक गरेका छन् ।

    फैसला कार्यान्वयन हुनुअघि उनको शवलाई इस्लामावादको डी–चोकसम्म घिसार्दै ल्याउनु र ३ दिनसम्म झुण्ड्याउनु’ भनी अदालतले आदेश दिएको जनाएको छ । सो चोक संसद भवनको बाहिरपट्टि रहेको छ ।

    उनलाई सन् २००७ नोभेम्बर ३ मा सङ्कटकाल घोषणा गरेकोमा देशद्रोहको मुद्दा लगाइएको थियो ।सेना प्रमुख रहदा उनले सैनिक कु मार्फत राज्य सत्ता कब्जा गरेका थिए । १९९९ अक्टोबरमा विद्रोह गरेर सत्ता हातमा लिएका मुसर्रफले २००१ जुनमा आफैलाई राष्ट्रपति घोषित गरे । करीब १० वर्ष मुसर्रफले स्वघोषित राष्ट्रपतिको रुपमा सैनिक सरकारको नेतृत्व गरेका थिए ।

    अदालतको यो फैसलामा पाकिस्तानको सेनाले बिरोध गरेको छ । मुसर्रफका वकिलले अदालतको आदेश विरुद्ध पुनरावेदनमा जाने जनाएका छन् । ७६ वर्षीय मुशर्रफ उपचारका लागि युएईमा छन् ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...