भक्तपुर, ११ पुस
भक्तपुर, ११ पुस अल्माटी विमानस्थालबाट काजकस्तान तर्फ उडेको विमान दुर्घटनामा परेको छ । दुर्घटनामा परेर कम्तीमा ९ जनाको ज्यान गुमाएका छन् ।
स्थानीय समय अनुसार अल्माटी विमानस्थालबाट काजकस्तानको राजधानी नुरसुल्तानका लागि उडान भरेको विमान शुक्रबार बिहान दुर्घटनामा परेको हो ।
विमानमा चालक दलका ५ सदस्य र ९५ यात्रु गरी १०० जना यात्रु सवार थिए । दुर्घटनामा परेर कम्तीमा ९ जनाको ज्यान गएको बीबीसीको खबर छ । विमानमा सवार अन्य यात्रुको अवस्थाबारे भने अहिलेसम्म यकिन हुन सकेकाे छैन ।
दुर्घटनास्थल क्षेत्र वरपर बाक्लो हुस्सु लागेको अन्तर्राष्ट्रिय सञ्चारमाध्यमहरूले जनाएको छ । दुर्घटना मौसमको प्रतिकूलता या अन्य के कारणले भयो भन्ने खुलासा भने हुन सकेको छैन ।