News Portal

  • भक्तपुर सम्वन्धी विशेष गीतसंगै गायक कसपालको एकल एल्बम समेत शनिवार सार्वजनिक गरिने

    इभक्तपुर संवाददाता
    २५९९ पटक

    भक्तपुर सम्वन्धी बहुप्रतिक्षित विशेष गीत शनिवार सार्वजनिक हुने भएको छ । उक्त गीतको अडियो भिडियो निर्माण सम्पन्न भैसकेकोले शनिवार सार्वजनिक हुने भएको हो ।

    सांगीतिक संस्था रागरागिनी इन्टरटेनमेन्टको आयोजनामा उक्त विशेष गीतको शनिवार लोकार्पण कार्यक्रम राखिएको आयोजक सस्थाका अध्यक्ष समेत रहेका गायक कपिल कसपालले जानकारी गराए । गायक कसपालले जनाए अनुसार भक्तपुर विशेष गीतको साथै उनको एकल एल्बम ‘महसुस अ रिअलाइजेशनको पनि उक्त अवसरमा लोकार्पण गरिने कार्यक्रम रहेको छ । कार्यक्रम शनिवार विहान १०:३० बजेबाट सूर्यविनायकस्थित योयो बैंक्वेटमा संचालन हुने तालिका तय गरिएको गायक कसपालको भनाइ छ ।

    वरिष्ठ गायक प्रेमध्वज प्रधानको प्रमुख आतिथ्यतामा संचालन हुने भक्तपुर विशेष गीत र एकल गीती एल्बम लोकार्पण कार्यक्रममा इतिहासबिद तेजेस्वर बाबु ग्वङ,वरिष्ठ संगीतकार दिपक जंगम ,वरिष्ठ गायक दिपक खरेल, लगायत गीत संगीतका श्रष्ठा र पारखीहरुको बाक्लो उपस्थिति रहने बताइएको छ । भक्तपुरका चारै नगरपालिकाका मेयर र उपमेयरका साथै बिभिन्न कार्यालयका प्रमुखहरु पनि कार्यक्रममा निम्त्याइएका छन् ।

    भक्तपुर सम्बन्धी विशेष गीतलाई बिश्वभरीका पर्यटन बजारमा पठाउन सकियोस र पर्यटकलाई सजिलै भक्तपुरप्रती आकर्षित गर्न सकियोस भन्ने उदेश्यले गीतको भिडियोमा शब्दलाई अंग्रेज़ीमा स्क्रोल्लिंग गरेर देखाइने व्यवस्था मिलाइएको उनको भनाइ छ । करिब पाँच मिनेटको गीतमा भक्तपुरका सम्पुर्ण कला,भाषा ,साहित्य ,परम्परा ,रितिरिवाज र बस्तुस्थितिको चित्र उतार्ने प्रयत्न गरिएको गायक कसपालले जानकारी गराए ।

    उक्त गीतलाई चर्चित व्यंग्यकार चट्याङ मास्टर (कृष्ण मुरारी गौतम ) ले लेखेका हुन् भने बिबि अनुरागीले संगीत भरेका छन् । गीतको अडियो ब्य्वस्थापन पत्रकार तथा साहित्यकार जितेन्द्र रसिकले गरेका बताइएको छ ।भक्तपुर बिशेष गीतको निर्देशन चर्चित निर्देशक गम्भीर बिष्टले गरेका छन् । गीतमा ५ दर्जन भन्दा बढी नृत्य कलाकारहरुलाई नचाइएको छ भने भक्तपुरका सम्पुर्ण भेषभुषा ,परम्परा ,रितिरिवाज लाई एउटै फ्रेम भित्र अटाइएको छ ।

    प्रतिकृया दिनुहोस्

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए प्रअ महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...