News Portal

  • भक्तपुरको विशेष गीत लोकार्पण कार्यक्रम सम्पन्न

    इभक्तपुर संवाददाताभक्तपुर, १९ पुस
    २३०८ पटक
    भक्तपुर, १९ पुस

    भक्तपुरको विशेष गीत  ‘नेपाली शिरको कालो टोपी भक्तपुर’ बोलको गीत तथा गायक कपिल कस्पालको एकल एल्बम महसुसको लोकार्पण कार्यक्रम सम्पन्न भएको छ । भक्तपुर जिल्लाको चारवटै नगरपालिकाका धार्मिक सम्पदा र संस्कृति तथा पर्यटन प्रवर्द्धनका लागि सहयोगी हुने अपेक्षा गरिएको उक्त भक्तपुर विशेष गीत सहित कस्पालको एकल एल्बम महसुस शनिबार संयुक्त रुपमा लोकार्पण भएको हो ।

    कृष्णमुरारी गौतम ‘चट्याङ  मास्टर’को रचना रहेको भक्तपुर विशेष गीतको गायक कपिल कस्पाल नै रहेका छन् । यसमा संगीत भने बीबी अनुरागीले भरेका छन् । भक्तपुरको विशेष गीत र एल्बम लोकार्पण कार्यक्रममा वरिष्ठ गायक प्रेमध्वज प्रधानको प्रमुख आतिथ्यता रहेको थियो । रागरागिनी इन्टरटेन्टमेन्ट प्रा. लि भक्तपुरले आयोजना गरेको सो कार्यक्रममा संस्कृतिविद् तेजेश्वर बाबु ग्वंग, वरिष्ठ संगितकार दिपक जंगम, चागुनारायण नगरपालिका प्रमुख सोम मिश्र लगायत अन्य व्यक्तित्वहरुको समेत आतिथ्यता रहेको थियो ।

    भक्तपुरलाई राष्ट्रिय र अन्तराष्ट्रिय स्तरमा प्रवर्द्धन गर्न बनेको यस  गीतको भिडियोमा भक्तपुरबाट राष्ट्रियस्तरमा योगदान दिन सफल व्यक्तित्वहरु, विभिन्न जनप्रतिनिधि, कलाकार, साहित्यकार, संस्कृतिविद् तथा राजनीतिक व्यक्तित्वहरुले अभिनय गरेका छन् ।

    यो गीतले भक्तपुरको पर्यटन प्रवर्द्धनमा मात्र नभई ‘ भिजिट नेपाल २०२० को लागि पनि उपयोगी गीतका रुपमा योगदान गर्नसक्ने अपेक्षा गरिएको छ । पर्यटकले सजिलै बुझ्न सकुन भनेर अंग्रजी भाषामा पनि गीतको भिडियोमा अनुवाद गरिएको बताइएको छ ।

    लोकार्पण कार्यक्रममा भक्तपुरको ऎतिहासिक गीतमा योगदान पुर्याउने व्यक्तित्वहरु लगायत संघसंस्थालाई कदर पत्र दिई सम्मान समेत गरिएको थियो ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...