News Portal

  • भक्तपुर सम्बन्धी बहुप्रतिक्षित ‘विशेष गीत’ हेर्नुहोस्

    भक्तपुर, २१ पुस
    ३३८९ पटक
    भक्तपुर, २१ पुस

    बहुप्रतिक्षित भक्तपुर सम्बन्धी विशेष गीत सार्वजनिक भएको छ । ‘नेपाली शिरको कालो टोपी भक्तपुर’ बोलको यो विशेष गीत शनिबार सार्वजनिक भएको हो ।

    रागरागिनी इन्टरटेन्मेन्टको आयोजनामा शनिबार वरिष्ठ गायक प्रेमध्वज प्रधान लगायतले गीतको अडियो भिडियो सार्वजनिक गरेका थिए । नेपाल भ्रमण वर्षको लागि भक्तपुरको कला,भाषा, सस्कृती र सम्पदा लगायतको प्रचारप्रसारमा सहयोगी सिद्ध हुने दावी गरिएको यो गीत युट्युबमार्फत हेर्न सकिन्छ ।

    भक्तपुरलाई राष्ट्रिय र अन्तराष्ट्रिय स्तरमा प्रवर्द्धन गर्न बनेको भनिएको यस गीतको भिडियोमा भक्तपुरबाट राष्ट्रियस्तरमा योगदान दिन सफल व्यक्तित्वहरु, विभिन्न जनप्रतिनिधि, कलाकार, साहित्यकार, संस्कृतिविद् तथा राजनीतिक व्यक्तित्वहरुले अभिनय गरेका छन् । भक्तपुरका कतिपय आइकनहरुलाई चाहँदा चाहदै पनि अभिनयमा समेट्न नसकिएको निर्माण पक्षको दुखेसो छ ।

    के छैन र भक्तपुरमा तिमीले खोजेको, त्यही भएर भक्तपुर संसारले रोजेको भन्दै शब्द शब्दमा भक्तपुरको बिशेषता झल्काउन गीतकार कृष्णमुरारी गौतम ‘चट्याङ मास्टर’ले भरपुर प्रयास गरेका छन् । बीबी अनुरागीले संगीत भरेको गीत गायक कपिल कसपालको जीवन्त स्वरले सुसज्जित रहेको छ ।

    यस गीतको भिडियो निर्देशन भने गम्भीर बिष्टले गरेका छन् । उनलाई कोरियोग्राफीमा सुबोल थापा र सिनेमाटोग्राफीमा नवराज उप्रेतीले साथ् दिएका छन् । ५ दर्जन भन्दा बढी नृत्य कलाकारहरुलाई एकसाथ नचाइएको गीतामा भक्तपुरका सम्पुर्ण भेषभुषा ,परम्परा ,रितिरिवाज लाई एउटै फ्रेम भित्र अटाउने प्रयास गरिएको छ । भक्तपुर सम्बन्धी विशेष गीतलाई बिश्वभरीका पर्यटन बजारमा पठाउन सकियोस र पर्यटकलाई सजिलै भक्तपुरप्रती आकर्षित गर्न सकियोस भन्ने उदेश्यले गीतको भिडियोमा शब्दलाई अंग्रेज़ीमा स्क्रोल्लिंग गरेर देखाइने व्यवस्था मिलाइएको गायक कपिल कसपालको भनाइ छ ।  गीतलाई सक्दो शेयर गरी धेरै मानिसहरु समक्ष पुर्याउन पनि गीत सम्बद्ध पक्षले अनुरोध गरेको छ ।

    हेर्नुस् गीत

     

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...