News Portal

  • दिल्लीमा फेरि ५ वर्ष केजरीवाल सरकार

    भक्तपुरपोष्ट संवाददाता२८ माघ २०७६
    ६२६ पटक
    २८ माघ २०७६

    नयाँ दिल्ली । भारतको राजधानी दिल्ली विधानसभा अन्तर्गत भएको निर्वाचनमा सत्तारुढ आम आदमी पार्टी भारी मत अन्तरले विजयी भएको छ ।७० सिट रहेको दिल्ली विधानसभाका लागि गत शनिबार मतदान भएको थियो । भारतको निर्वाचन आयोगले जारी गरेको नतिजाअनुसार आम आदमी पार्टीले ६२ सिटमा जीत हासिल गरेको छ ।

    केन्द्रको सरकार चलाइरहेको भारतीय जनता पार्टी भाजपा भने केबल ८ सिटमा सीमित भएको छ । केन्द्रको सत्ताबाहिर रहेको भारतीय कांग्रेस पार्टीसहितका अरु कुनै पनि दलले एउटा पनि सिट जित्न सकेका छैनन् । यसअघि सन् २०१५ मा भएको विधानसभा निर्वाचनमा आम आदमी पार्टीले ६७ र भारतीय जनता पार्टीले ३ सिट जितेका थिए ।

    यससँगै अरविन्द केजरीवालले थप ५ वर्ष दिल्लीको मुख्यमन्त्रीको जिम्मेवारी पाएका छन् । आम आदमी पार्टीको जीतसँगै हजारौं समर्थकले दिल्लीका सडकमा खुशीयाली मनाएका छन् । निर्वाचनमा विजयी भएका केजरीवाललाई प्रधानमन्त्री नरेन्द्र मोदी, भाजपाका राष्ट्रिय अध्यक्ष जेपी नड्डा, कांग्रेसका प्रभावशाली नेता राहुल गान्धी सहित विभिन्न राजनीतिक दलका नेताहरुले बधाई दिएका छन् ।

    निर्वाचनमा विजयी भएपछि मतदातालाई धन्यवाद दिँदै यो जीत सम्पूर्ण मुलुक र दिल्लीवासीको जीत भएका जनाएका छन् । उनले यो निर्वाचनसँगै मुलुकले नयाँ राजनीतिको जन्म दिएको टिप्पणी गरेका छन् ।

    आम आदमी पार्टीको जीतलाई दिल्लीमा मोदीको हिन्दु राष्ट्रवादका विरुद्ध प्रगतिशील एवं प्रभावकारी मान्यताको जीतको रुपमा अन्तर्राष्ट्रिय सञ्चारमाध्यमले अथ्र्याएका छन् ।

    प्रतिकृया दिनुहोस्

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...