News Portal

  • ‘प्रेमको स्मारक’मा ट्रम्प दम्पती

    भक्तपुरपोष्ट संवाददाता१३ फागुन २०७६
    ९८३ पटक
    १३ फागुन २०७६

    अमेरिकी राष्ट्रपतिको रूपमा पहिलोपटक भारत भ्रमणमा आएका डोनल्ड ट्रम्प सोमवार अपरान्ह भारतको आगरास्थित प्रसिद्ध ताजमहल पुगेका छन्।अहमदाबादमा ओर्लिएर पहिले सावरमती आश्रम घुमेका ट्रम्प लगत्तै आगरा पुगेका हुन्।

    अहमदाबादमा ट्रम्पलाई भारतीय प्रधानमन्त्री नरेन्द्र मोदीले भव्य स्वागत गरेका थिए। दुई नेताबीच मङ्गलवार कूटनीतिक वार्ता हुनेछ।आगरामा ट्रम्प दम्पतीलाई नाचगानका साथ भव्य स्वागत गरिएको थियो।त्यहाँ उनलाई उत्तर प्रदेशका मुख्यमन्त्री योगी आदित्यनाथले स्वागत गरेका थिए।

    त्यसपछि ट्रम्प दम्पतीले १७ औँ शताब्दीमा मुगल बादशाह शाहजहाँले रानी मुमताज महलको स्मृतिमा निर्माण गराएको सङ्गमरमरको ताजमहल भ्रमण गरेका थिए।ताजमहल भारतको सबभन्दा प्रख्यात स्मारकमध्ये पर्छ र यो प्राय: विदेशी पाहुनाहरूको भ्रमण रोजाइमा पनि पर्छ।

    यसअघि राष्ट्रपति ट्रम्पले आफ्नो भव्य स्वागत गरिएकोमा भारतलाई धन्यवाद दिएका थिए।गुजरातस्थित मोतेरा रङ्गशालामा एक लाखभन्दा धेरै मानिसहरू सहभागी भएको कार्यक्रमलाई सम्बोधन गर्दै उनले भारतलाई ‘संसारकै सबभन्दा गजबको देशमध्ये एक’ भने। साथै, उनले भारतीय प्रधानमन्त्री नरेन्द्र मोदीको निकै प्रशंसा गरे।

    “उनलाई (मोदीलाई) सबैले मनपराउँछन्। तर म भन्न चाहन्छु उनी निकै कडा पनि छन्। तपाईँ गुजरातको गौरवमात्र हुनुहुन्न, तपाईँ त कठिन परिश्रम गरेमा भारतीयले जे चाहे पनि हासिल गर्न सक्छन् भन्ने कुराको जिउँदो प्रमाण हुनुहुन्छ,” ट्रम्पले भने।

    “नमस्ते,” भन्दै उनले सुरु गरेको भाषण सुनेर दर्शकले ताली पिटेका थिए।आफ्नो भाषणमा ट्रम्पले भारतका क्रिकेट खेलाडीदेखि बलिवुड अनि इतिहासका प्रसङ्ग कोट्याए। तर कतिपय भारतीय शब्दको भने उनले सही उच्चारण गर्न सकेनन्। अहमदाबाद शहरको नामदेखि स्वामी विवेकानन्द अनि वेदको उच्चारण उनले बिगारेका थिए।

    पहिले मोदीले भाषण गरेपछि ट्रम्पले भाषण गरेका थिए। तर कतिपय मानिस उनको सम्बोधनको बीचमै बाहिरिन थालेको बीबीसीकी सम्वाददाता रजिनी वैद्यनाथनले बताइन्। ट्रम्पको भारत भ्रमण मोदीको निम्ति भने उचित समयमा भएको छ।

    यतिखेर सरकारका केही विवादास्पद निर्णयहरूका कारण मोदीको सरकारमा धेरैको ध्यान केन्द्रित भइरहेको छ।डिसेम्बरमा भारतले एक विवादास्पद नागरिकतासम्बन्धी कानुन पारित गरेयता त्यहाँ ठूल्ठूला विरोध प्रदर्शन भइरहेका छन्।आलोचकहरूले मोदी सरकारको निर्णयले भारतका बीस करोड मुसलमान समुदायलाई सीमान्तकृत गर्ने आरोप लगाएका छन्। सरकारले भने ती आरोप अस्वीकार गर्दै आएको छ।

    विविसीबाट

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...