News Portal

  • गोली प्रहार गरी पत्रकार जोशीको हत्या

    भक्तपुरपोष्ट संवाददाताभक्तपुर, ८ साउन
    ९१४ पटक
    भक्तपुर, ८ साउन

    गुन्डाहरुको गोली प्रहारबाट घाइते उत्तरप्रदेश (यूपी) को गाजियाबादका स्थानीय पत्रकार विक्रम जोशीको बुधबार निधन भएको छ । सोमबार राति आफ्ना दुई छोरीसँगै मोटरसाइकलमा गइरहेका जोशीमाथि स्थानीय गुन्डाहरुले आक्रमण गरेका थिए । त्यसलगत्तै उनको टाउकोमा गोली प्रहार गरिएको थियो । घटनालाई लिएर स्थानीय प्रहरी र योगी आदित्यनाथ नेतृत्वको उत्तरप्रदेश सरकारको चर्को आलोचना भएको छ ।

    आक्रमणमा घाइते जोशीको स्थानीय यशोधा अस्पतालमा उपचारका क्रममा बुधबार बिहान निधन भएको हो । घटनामा संलग्न ९ आरोपितमध्ये ८ जनालाई प्रहरीले प्रक्राउ गरेको छ । एक जना फरार रहेको स्थानीय प्रहरीलाई उद्धत गर्दै भारतीय सञ्चारमाध्यमले जनाएका छन् । जोशी गाजियाबादकै एउटा स्थानीय हिन्दी पत्रिकामा काम गर्थे ।

    भारतीय सञ्चारमाध्यमका अनुसार घटनाका पछाडि जोशीले घटनाको चार दिनअघि दिएको उजुरी प्रमुख कारण रहेको छ . आरोपितहरुविरुद्ध घटनाको चार दिन आफ्नी भान्जीलाई दुर्व्यवहार गरेको भन्दै पत्रकार जोशीले स्थानीय प्रहरी चौकीमा उजुरी दायर गरेका थिए । तर, प्रहरीले उनीहरुलाई समयमै पक्राउ नगरेका कारण त्यसको बदला लिनका लागि जोशीलाई गोली हानेको उनको परिवारको दाबी छ ।

    स्थानीय प्रहरीले घटनास्थलको सीसीटीभी फुटेज पनि बाहिर ल्याएको छ । जसमा गुन्डाहरुले पहिले जोशी चढेको मोटरसाइकललाई लडाउँछन् र उनीमाथि आक्रमण गर्न थाल्छन् । जोशीमाथि आक्रमण सुरु भएपछि छोरीहरु भने भाग्छन् । त्यसपछि उनीहरुले जोशीलाई छेउमा रहेको एउटा कारमा आड लगाएर गोली प्रहार गर्दै भागेको देखिन्छ । जोशी गोली लागेपछि भुइँमा ढलेका फुटेजमा देखिन्छ । त्यसपछि उनकी एउटी छोरी उनी नजिक गएर रुँदै सहयोगका लागि गुहार मागिरहेको फुटेजमा देखिन्छ ।

    भारतमा पत्रकारको हत्या गरिएको यो पहिलो घटना भने होइन । भारतमा पछिल्ला वर्षहरुमा धार्मिक कट्टरपन्थी र आपराधिक समूहरुको निसानामा पत्रकारहरु पर्दै आएका छन् । डिसेम्बर २०१९ मा सार्वजनिक एउटा अध्ययनले भारतमा पत्रकारिता गर्न दिनप्रतिदिन असुरक्षित बन्दै गएको देखाएको थियो । पत्रकारद्वय गिता सेसु र उर्वशी सरकारले गरेको उक्त अध्ययनले सन् २०१४ यताको पाँच वर्षमा पत्रकारहरुमाथि १९८ वटा गम्भीर आक्रमण भएको थियो । जसमध्ये ३६ वटा त सन् २०१९ मा मात्रै भएको थियो । त्यसमा पनि ४० जना पत्रकारहरुको हत्या नै भएको अध्ययनले देखाएको थियो । र, तीमध्ये २१ वटा घटना त प्रत्यक्ष रूपमा पत्रकारितासँग सम्बन्धित रहेको अध्ययनले खुलासा गरेको थियो ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...