News Portal

  • राष्ट्रकवि घिमिरेले आफ्नाे मृत्युपछि सार्वजनिक गर्न लेखेका थिए याे गीत

    भक्तपुरपोस्ट संवाददाता भक्तपुर, ३ भदौ
    १२०५ पटक
    भक्तपुर, ३ भदौ

    एक सय एक वर्षको उमेरमा राष्ट्रकवि माधवप्रसाद घिमिरेको मंगलबार साँझ निधन भएको छ। आज (बुधबार) बिहान ११ बजेदेखि पशुपति आर्यघाटमा राष्ट्रिय सम्मानसहित उनको अन्त्यष्टि गरिदै छ ।

    घिमिरेले नेपाली भाषा र साहित्यमा उल्लेख्य योगदान गरेका छन्। उनले स्वच्छन्दतावादी भावधारा र परिष्कारवादी शैलीमा गीत, कविता र काव्यहरु सिर्जना गरेका छन्। तर, उनले वि.सं. २०१६ सालमा लेखेको एउटा गीत भने आफ्नो मृत्युपछि मात्रै सार्वजनिक गर्न भनेका थिए। जुन गीत उनको मृत्यपछि हिजो मात्रै सार्वजनिक भएको छ।

    गीतमा आशिष अविरलले संगीत भरेका छन् भने कर्णदासले स्वर दिएका छन्। राष्ट्रकवि घिमिरेले आफू बितेपछि सबै सञ्चारमाध्यमलाई उपलब्ध गराउनु भनेर रेकर्ड गराएको गीतको शब्द यस्तो छ :

    त्यसरी होओस् मरण
    जसरी सुत्छन् तारमा गीतका चारु चरण
    हिमालचुली देशमा, दिनको शान्त भेषमा
    जसरी गर्छन् विश्राम, सूर्यका स्वर्ण किरण
    त्यसरी होओस् मरण

    सुन्दर सृष्टि निहारी, सुखैले चिम्लूँ नयन
    बिहानीपख रातको, कुसुम पारिजातको
    जसरी जान्छ झरेर, भुइँमा विनापवन
    त्यसरी होओस् मरण

    मुटुमा चोट नपरी, टुटेर जाओस् बन्धन
    बादलको सेतो राशमा, दुइटा मूर्ति पासमा
    जसरी शिर नुहाई, आफैंमा हुन्छन् अर्पण
    त्यसरी होओस् मरण

    अमरापुरी सभामा आफैँलाई गरूँ वरण
    त्यसरी होओस् मरण।।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...