एजेन्सी । यूएई एफए नेसन्स लिग फुटबलमा जर्मनीले पहिलो जित निकालेको छ । शनिबार राति युक्रेनको घरेलु मैदानमा भएको खेलमा विजयी हुँदै जर्मनीले नेसन्स लिगमा पहिलो जित दर्ता गराएको हो ।
युक्रेनको घरेलु मैदानमा जर्मनीले २(१ को जित निकालेको हो । पाहुना टोली जर्मनीको जितमा जिन्टर र गोरेट्ज्काले एक गोल गरे । युक्रेनका रुस्लान मालिनोभ्स्कीले एक गोल फर्काएका थिए ।
खेलको २० औं मिनेटमा जिन्टरको गोल गर्दै जर्मनीलाई पहिलो हाफमा १–० को अग्रता दिलाएका थिए । त्यसपछि दोस्रो हाफ सुरु भएको चार मिनेट नबित्दै गोरेट्ज्काले गोल गर्दै जर्मनीको अग्रता दोब्बर पारेका थिए । ७६ औं मिनेटका युक्रेनका मिलिनोभ्स्कीले पेनाल्टीमार्फत गोल गर्दै खेल २–१ को अवस्थामा ल्याए । तर, थप गोल हुन नसक्दा खेल जर्मनीले २–१ ले जितेको हो ।
जितसँगै नेसन्स लिगमा समूह ‘ए’मा रहेको जर्मनीले तीन खेलबाट ५ अंक जोडेको छ । सुरुवाती दुई खेलमा जर्मनीले स्पेन र स्विट्जरल्यान्डसँग बराबरी खेलेको थियो । समान खेल खेलेको युक्रेनको एक खेलमा जित र दुएई खेलमा हारसहित ३ अंक छ ।
