काठमाडौं, २७ असोज । पोर्चुगिज स्टार स्ट्राइकर क्रिस्टियानो रोनाल्डोलाई कोरोना संक्रमण पुष्टि भएको छ ।

पोर्चुगल फुटबल महासंघले मंगलबार आधिकारिक विज्ञप्तिमा मार्फत रोनाल्डोलाई कोरोना संक्रमण भएको जानकारी दिएको हो ।

महासंघले विज्ञप्तिमा खेलेको छ, “क्रिस्टियानो रोनाल्डोलाई कोभिड–१९ को परिक्षण गर्दा रिपोर्ट पोजेटिभ आएको छ । पोजेटिभ रिपोर्ट आएपछि उनलाई राष्ट्रिय टोलीबाट बाहिर राखिएको छ ।”

अब उनले स्वीडेनविरुद्धको खेल गुमाउने भएका छन् । पोर्चुगलले नेसनस लिग अन्तर्गत समूह सीको चौथो खेल घरेलु मैदानमा बुधबार राति खेल्ने छ । कोरोना भाइरस संक्रमण देखिए पनि उनलाई कुनै लक्षण नदेखिएको महासंघले जनाएको छ । हाल उनी दस दिनका लागि सेल्फ आइसोलेसनमा रहेको जनाइएको छ ।